2017-2018 оны хөдөлмөр нийгмийн зөвшлийн улсын гурван талт хэлэлцээрийн нэмэлт хэлэлцээр өнөөдөр болов. Тус хэлэлцээрээр багш нарын хоёр өдрийн цалинг шийдүүлж чадсан байна. Мөн маргаашаас 3 яамны болон багш нарын төлөөлөл Боловсрол, шинжлэх ухааны ҮЭХ-ны хамтарсан ажил хэсэг энэ долоо хоногт багшийн цалин хөлсний асуудлыг эцэслэн шийдэж Засгийн газарт оруулахаар тохиролцсон байна. Түүнчлэн БСШУС-ын сайд Ц.Цогзолмаа болон Нийгмийн хамгааллын хөдөлмөрийн сайд С.Чинзориг нар холбогдох яамны ажилтнууддаа багшийн цалин хөлсний асуудлыг хурдтай ажиллан шийдэх үүрэг өгчээ.