Билгийн

Доллар (USD)

Улаанбаатар

 “Номын сангийн алсын хараа”-гийн тайланг ирэх сард танилцуулна


Засгийн газрын хэрэгжүүлэгч агентлаг Соёл урлагийн газар, Үндэсний номын сан хамтран Олон улсын номын  сангийн холбооны удирдамжаар "Номын сангийн алсын хараа" хэлэлцүүлгийг хоёр дахь жилдээ амжилттай зохион байгууллаа. Дэлхийн номын сангийн салбарын бэрхшээл хийгээд боломжуудыг судлан таних зорилготой тус хэлэлцүүлэгт дэлхийн 190 орны 31 мянга гаруй номын санч дуу хоолойгоо нэгтгэжээ. “Номын сангийн алсын хараа” хэлэлцүүлгийг 2017 оны 08-09 сард Монголд зохион байгуулж нийслэл хот болон орон нутгийн номын санчдын саналыг олон улсад хүргэсэн байдаг. Харин энэ удаагийн хэлэлцүүлэгт нийслэл хот, 21 аймгийн бүх төрлийн номын сангийн 100 гаруй төлөөлөгч оролцож, номын сангийн салбарын үйл ажиллагаа, стратеги төлөвлөгөөг хэлэлцжээ. Номын сангийн хүний нөөц, шинэлэг үйлчилгээ, сан хөмрөгийн бодлого, олон улсын тэргүүн туршлага зэрэг асуудал, шийдлүүдийг багтаасан тус хэлэлцүүлгийн тайланг ирэх 10 сард танилцуулах юм байна.

 

0 Сэтгэгдэл
Хамгийн их уншсан