Доллар (USD)

Улаанбаатар

Шуурхай мэдээ:
ОЮУН УХААНЫ АКАДЕМИЙНХАНД ЭНЭТХЭГЭЭС САНАЛ ТАВЬЖЭЭ

 

Монголын оюун ухааны академид Энэтхэгийн хамгийн томд тооцогддог сургалтын төвөөс хамтран ажиллах санал ирүүлжээ.

Австрали, Герман, Малайз, Энэтхэг, Непал, Кени болон Ойрхи Дорнодын улс оронд 300 салбар, хоёр сая гаруй суралцагчтай Энэтхэгийн хамгийн том сургалтын төвийнхөн Монголын оюун ухааны академийн оюуны хөгжлийн сургалтын хөтөлбөрийг хэрэгжүүлж, хамтран ажиллах санал тавьсан байна.

Монголын оюун ухааны академиас хараахан хариу өгөөгүй байгаа аж. Түүнчлэн тус академийнхан Монголын хараагүйчүүдийн үндэсний холбооны дэргэдэх "Нарны хаан хүүхдүүд" тусгай цэцэрлэгт нийгмийн хариуцлагын хүрээнд Монголын оюун ухааны академи болон Монголын спорт өрөлтийн холбооны хөтөлбөрөө үнэ төлбөргүй нэвтрүүлж, сургалтын хэрэглэгдэхүүнээр хангахаас гадна багш нарыг нь бэлтгэн хүүхдүүдийг хөгжүүлэх урт хугацааны хамтын ажиллагаагаа эхлүүлэх санамж бичгийг албан ёсоор үзэглэсэн байна. 

0 Сэтгэгдэл
Хамгийн их уншсан