БСШУС-ын сайд Ц.Цогзолмаа энэ сарын 18-20-ны өдрүүдэд ОХУ-д ажлын айлчлал хийж байна.

Эхний уулзалт өчигдөр буюу Ням гарагт Монгол Улсын ЭСЯ дээр болсон бөгөөд Монгол Улсаас ОХУ-д суугаа Онц бөгөөд Бүрэн эрхт Элчин сайд Б.Дэлгэрмаа хүлээн авч уулзлаа.

Мөн сайдын айлчлалын баг Москвад суралцаж буй монгол оюутнуудтай уулзаж оюутны "Дэвжээ" наадмыг үзэж сонирхсон юм. ОХУ-д 3000 гаруй монгол оюутан суралцаж байгаа бөгөөд Засгийн газар хоорондын гэрээнээс гадна байгууллага хоорондын гэрээгээр, хувиараа сурч байгаа оюутнууд ч цөөнгүй байдаг аж.