Өмнөговь аймгийн хэмжээнд эмнэлэгт хэвтэн эмчлүүлэгчдийн тоо 318 үүнээс амьсгалын замын цочмог халдварт өвчний улмаас хэвтэн эмчлүүлж буй өвчтөн 15% -ийг эзэлж байна. Томуугийн нийт өвчлөлийн 56.4%-ийг 0-4 насны хүүхдийн өвчлөл эзэлж байна. Томуугийн дуудлага нийт дуудлагын 43,6%-ийг эзэлж байгаа нь өнгөрсөн 7 хоногийн дуудлагаас 16,8%-иар нэмэгджээ. Дээрх байдлаас харахад томуугийн дэгдэлт нь бага насны хүүхэд буюу 0-1 нас, цэцэрлэгийн насны хүүхдүүдийн дунд илүү тархсан, хүндрэл ихтэй, эдгэрэлт удаашралтай, дахих хандлагатай байгаа аж.
Тэгвэл өнөөдрөөс эхэлж аймгийн хэмжээнд өмчийн бүх хэлбэрийн Ерөнхий боловсролын сургууль, сургуулийн өмнөх боловсролын байгууллагуудын үйл ажиллагааг 02 дугаар сарын 08-ны өдрийг дуустал түр хугацаагаар зогсоолоо.
