Билгийн

Доллар (USD)

Улаанбаатар

АТГ: Ховд аймгийн төрийн байгууллагын нэр бүхий 1 албан тушаалтанд хариуцлага тооцуулахаар шаардлага хүргүүллээ Эрдэнэс Тавантолгой: Ногдол ашгийн 256,000 төгрөгийг ирэх сард олгоно Төв цэнгэлдэхийн газраас бусдад олгох захирамж гаргасан үе үеийн Засаг дарга нарыг АТГ-т шалгуулна ЦХХХ-ны сайд Н.Учрал: Ардчиллын баян бүрд хэмээн нэрлэгддэг манай улс мэдэх эрхийг хангуулахад технологи ашиглаж байна "Шинэ төв цэвэрлэх байгууламжийг ирэх онд ашиглалтад оруулна" Ногоон автобусны сонсголыг удирдах Түр хорооны даргыг сонгоно Эмээлтийн махны үйлдвэрийн үйл ажиллагааг түр зогсоов Улаанбаатарт 3 градус дулаан байна Д.Мөнх-Эрдэнэ: СӨХ-ны төлбөрөө зургаан сараас дээш төлөхгүй бол Монголбанкны зээлийн мэдээллийн санд бүртгэх зохицуулалтыг хуулийн төсөлд тусгасан Метроны зөвлөх үйлчилгээний тендерт 11 улсын компани санал ирүүлэв
ТЕЛЕ ХИЧЭЭЛИЙН БАГТ ЕРӨНХИЙ САЙД ТАЛАРХАЛ ИЛЭРХИЙЛЛЭЭ

Монгол Улсын Ерөнхий сайд У.Хүрэлсүх, Боловсрол, соёл, шинжлэх ухаан, спортын сайд Ё.Баатарбилэг нар Теле хичээлийг амжилттай зохион байгуулахад оролцсон 423 багш, 140 гаруй арга зүйч, судлаач, телевизийн 180 орчим ажилтанд талархал илэрхийлж, зарим хүнийг салбарын шагналаар шагналаа.

Шинэ төрлийн коронавирус (COVID 19)-ийн халдвараас шалтгаалж, өндөржүүлсэн бэлэн байдлын зэрэгт шилжсэнтэй холбогдуулан Боловсрол, соёл, шинжлэх ухаан, спортын яам, Монголын телевизүүдийн холбоо хамтран Теле хичээлийг шуурхай зохион байгуулж, 2020 оны 2 дугаар сарын 3-ны өдөр эхлүүлсэн билээ.

Өнгөрсөн хугацаанд цэцэрлэг, ерөнхий боловсрол, насан туршийн боловсрол, тусгай хэрэгцээт боловсрол, элсэлтийн ерөнхий шалгалтад зориулсан нийт 4773 цагийн 82355 минутын теле хичээлийг монгол, казах, тува, дохионы хэлээр багш, суралцагч, эцэг эхчүүддээ амжилттай, үр дүнтэй хүргэлээ.

Теле хичээлд олон хүний хүч хөдөлмөр, сэтгэл шингэсэн. Боловсролын салбараас гадна нийгмийн хариуцлагын хүрээнд Монголын телевизүүдийн холбоо, Монголын үүрэн холбооны бүх компаниуд, Монголын үндэсний олон нийтийн телевиз, хичээл сургалтын чиглэлийн вэб сайтууд хамтран ажилласнаар сурагчид цаг хугацаанаас үл хамаарч хичээлээ нөхөн үзэх, давтах, судлах боломж бүрдэж, хүртээмж өндөртэй боллоо.

Теле хичээлийг зөвхөн суралцагчид төдийгүй багш нар үзэж, заах арга барилаа сайжруулах, туршлага хуримтлуулах боломж бүрдүүлсэн нь теле хичээлийн нэг онцлог байлаа. Түүнчлэн эцэг, эхийн үүрэг, оролцоо нэмэгдэж, тэд сургалтын хөтөлбөр агуулгын талаар ойлголт мэдлэгтэй болж, зарим талаар хүүхэдтэйгээ хамт суралцсан.

Манай улсын хувьд өндөржүүлсэн бэлэн байдлын зэрэгт шилжсэнтэй холбогдуулан цэцэрлэгийн 263.3 мянган хүүхэд, ерөнхий боловсролын сургуулийн 640.4 мянган суралцагч, их дээд сургууль, коллежийн 148.4 мянган оюутан хорио, хөдөлгөөний хязгаарлалтад орсон. Тэдэнд хүргэсэн теле болон онлайн хичээлийн зохион байгуулалтыг ЮНЕСКО үнэлж, олон улсад сайн туршлага болж буйг вэб сайтдаа онцоллоо.

2 Сэтгэгдэл
Телее хичээл маш ашигтай, өгөөжтэй болсныг жирийн өвөө би батлан хэлж чадна. Амьдралд ойртсон, сонирхол татсан, бүтээлч сэтгэлгээг хөгжүүлсэн хичээлүүд байлаа. Хэтрүүлж хэлбэл ангид сууж хичээллэснээс ч илүү өгөөж өгсөн гэж хэлж болно. Гэхдээ ар гэрийн нөхцөл байдлаас шалтгаалж хүүхэд бүрд өөр байсан байх.
Телее хичээл маш ашигтай, өгөөжтэй болсныг жирийн өвөө би батлан хэлж чадна. Амьдралд ойртсон, сонирхол татсан, бүтээлч сэтгэлгээг хөгжүүлсэн хичээлүүд байлаа. Хэтрүүлж хэлбэл ангид сууж хичээллэснээс ч илүү өгөөж өгсөн гэж хэлж болно. Гэхдээ ар гэрийн нөхцөл байдлаас шалтгаалж хүүхэд бүрд өөр байсан байх.
Хамгийн их уншсан