Жендэрт суурилсан хүчирхийллийг таслан зогсооход олон нийтийг татан оролцуулах, жендэрт суурилсан хүчирхийллийн талаарх мэдлэг ойлголтыг түгээх, нэмэгдүүлэх зорилготой “Жендэрт суурилсан хүчирхийлэлтэй тэмцэх 16 хоногийн аян”-ыг дэлхийн 180 гаруй улс 1991 оноос өнөөг хүртэл жил бүрийн арванэгдүгээр сарын 25-наас арванхоёрдугаар сарын 10-ны өдрүүдэд нэгдмэл зорилго, нэг уриан дор тэмдэглэн өнгөрүүлж байна.
Аянд манай улс 1997 оноос нэгдэн тэмдэглэж эхэлсэн бөгөөд энэ жил “Технологи ашиглан үйлдэгдэж буй жендэрт суурилсан хүчирхийлэл (ТАҮЖСХ)-тэй тэмцэхэд нэгдье” уриатайгаар цахим орчин дахь аюулгүй байдалд голлон анхаарч, технологийг аюулгүй, ёс зүйтэй ашиглахыг дэмжин, Технологи ашиглан үйлдэгдэж буй жендэрт суурилсан хүчирхийлэл (ТАҮЖСХ)-тэй тэмцэх, хүчирхийлэл үйлдэгчдэд хариуцлага тооцож, хохирогчдыг хамгаалах зорилготой тус аянд Биеийн тамир, спортын улсын хороо ийн нэгдлээ.Сургалтыг Хүчирхийллийн үндэсний төвийн Хүчирхийллийн эсрэг үндэсний төвийн гүйцэтгэх захирал Н.Арвинтариа, Жендэрийн үндэсний хорооны хуулийн хэлтсийн мэргэжилтэн, Сургалт, мэдээлэл, арга зүйн хорооны зохицуулагч, сургагч багш Д.Санчир, Жендэрийн үндэсний хорооны Зан үйлд суралцах эрэгтэйчүүдийн асуудал хариуцсан сургагч багш, ахлах багш М.Цасчихэр нар удирдан явууллаа.Сургалтад Биеийн тамир, спортын улсын хорооны 14, Спортын анагаах ухаан эрдэм шинжилгээний төвийн 14 албан хаагч танхимаар хамрагдаж, нийслэл, дүүргийн биеийн тамир, спортын газар, 21 аймгийн Биеийн тамир, спортын хороодын ажилтан, албан хаагчид цахимаар хамрагдсан юм.
