Монголын “Тамирчдын баярын өдөр” зургаадугаар сарын 26-нд тохионо. Цар тахлын улмаас хоёр жил зохион байгуулаагүй байсан тус арга хэмжээг энэ жил илүү өргөн хүрээтэй, онцлог байдлаар зохион байгуулах аж.

Тамирчдын өдөрт зориулсан арга хэмжээ 10.00 цагт Сүхбаатарын талбайд эхлэх бөгөөд спортын зүтгэлтэн, эрдэмтэн, ахмад тамирчин болон олимп, паралимп, диплимп, тусгай олимп, залуучуудын олимп, тив, дэлхийн медальт тамирчид, багш дасгалжуулагчид болон нийслэл, дүүрэг, хүчний байгууллагын албан хаагчдын хүндэтгэлийн жагсаал болно. Энэ үеэр цацагтай аэробик, гимнастикийн үзүүлэх тоглолт, флаш моби дасгал, “UB dreams” хамтлагийн бөмбөрийн тоглолт, брейк данс бүжиг зэрэг үзүүлэх тоглолт болох аж.