Америкийн
хамгийн алдартай мэргэн буучдын нэг Крис Кайл мэргэжил нэгтнүүдтэйгээ
хөгжилдөж байгаад бууны суманд өртөж нас баржээ. Тэрээр тэнгисийн цэрэгт
алба хааж байсан нөхөдтэйгээ буудлага хийж байгаад найзтайгаа хамт
суманд өртөж амиа алдсан байна.
Крис Кайл Тэнгисийн цэргийн хүчний
тусгай албанд хүчин зүтгэж байхдаа Иракт таван удаа үүрэг гүйцэтгэхээр
очиж байжээ. Ингэхдээ тэрээр зөвхөн Иракт 160 хүнийг цааш нь харуулж
байсан гэнэ. Түүний хамгийн анхны “хохирогч” нь нэг гартаа нялх хүүхэд
барьж, нөгөө гартаа тэсрэх бөмбөг атгасан алан хядагч эмэгтэй байжээ.
Армид 10 жил зүтгэхдээ 100 гаруй хүний аминд хүрсэн тэрээр мэргэн
буучийн сэтгэл зүй ямар байдаг талаар ном бичиж гаргасан нь өндөр
гүйлгээтэй байсан юм. Тэрээр өөрийнхөө тухай “Би сайн мэргэн буучаас
илүүтэй сайн аав, сайн нөхөр” гэж хэлдэг байжээ.
АНУ-ын арми мэргэн
буучдын статистик үзүүлэлтийг гаргадаггүй ч Крис Кайлын өөрийнх нь номд
бичсэнээр Вьетнамын дайны үеэр Карло Хэткок хэмээх мэргэн бууч 93 хүн
цааш нь харуулснаар хамгийн олон хүний аминд хүрсэн мэргэн бууч гэгддэг
байжээ.