Өвөрхангай аймгийн төв Арвайхээр хотын төв талбайд иргэд эсэргүүцлийн жагсаал хийж байна. Иргэдийн хувьд ард түмний сонголтыг шударгаар баталгаажуулахыг шаардаж байгаа юм. Эсэргүүцлийн жагсаалд Өвөрхангай аймгийн 19 сумын төлөөлөл болсон 500 гаруй хүн оролцож байна. Мөн тус аймгийн МАН-ын хорооны дарга, гишүүд, ИТХ-ын дарга, МАН-ын Нарийн бичгийн дарга Ж.Мөнхбат тэргүүтэй албаныхан оролцож байгаа аж. “Ард түмний сонголтыг шударгаар баталгаажуул”, “Г.Батхүү, Д.Зоригт нарыг эргүүлэн татъя”, “Г.Батхүү, Д.Зоригт нар сайн дураараа огцор” гэсэн уриа лоозон барин жагсчээ.
Иргэдийн хувьд Өвөрхангай аймгийн 10 дугаар тойрогт сонгогчдын олонхийн санал авсан С.Чинзориг, Б.Төмөрхүү нарыг УИХ-ын гишүүнээр сонгогдсонд тооцож, тангарагыг нь өргүүлэхийг шаардаж байгаа юм.
