Казахстаны хэсэг түүхч, угсаатан судлаачид казахууд түүхийн бүхийл үед амьдарч ирсэн түүхэн газар нутгийг судлан тогтоох судалгааны ажил хийсэн гэнэ. Тэдний мэдэгдэж байгаагаар бол казахуудын түүхэн газарт нутаг бол зөвхөн өнөөдрийн Казахстаны нутаг төдийгүй өнөөгийн Оросын нутгийн тодорхой бүс, Хятад, бас Монголын нутгаас ч ордог гэнэ. Тэд казахстаны газар нутгийг дараах байдлаар тодорхойлжээ.
Оросын нутгаас:
- Волгоград болон Саратов мужийн нэг хэсэг бол Букеевын Ордын газар нутаг. 19 дүгээр зуунд казахын хаант улс байсан нутаг.
- Самар, Челябинск мужийн нэг хэсэг бол Кыпчакуудын омог, казахын Бага жузын нүүдэлчид амьдарч байсан газар.
- Омск, Новосибирск мужийн нэг хэсэг. Энэ бол Казахын Кыпчак, Аргны омгуудын түүхэн газар нутаг
Монголын нутгаас:
- Баян-Өлгий аймгийн нутаг. Казахуудын уугуул нутаг. Баян-Өлгий /Бай-Өлке/ аймгийн төвийг Өлгий гэдэг нь Өлке гэдэг үгнээс үүдэлтэй.
Хятадын нутгаас:
- Хятадын Шинжааны автономит муж. Казахуудын уугуул нутаг. Энэ нь гурван аймгаас бүрддэг нь Кулжа төвтэй Илийн, Шаушек төвтэй Тарвагатай, Алтай төвтэй Алтай аймгууд
Узбекийн нутгаас:
- Ташкент мужийн нэг хэсэг, Ташкент хот. Хэдэн зууны туршид Казахын хант улс, казахын ахмад жузын эзэмшилд байсан газар.
- Каракалпакстан болон Кызылкум. Казахууд болон казахын каракалпаковуудын 18 дугаар зууны эх хүртэл амьдарч байсан нутаг. Мөн Каракалпакстан нь 20 дугаар зууны эхээр Казахстаны бүрэлдхүүнд орсон ч 1936 онд узбекууд Москватай хэлэлцэн тохирсноор тэдний газар нутаг болсон. Каракалпаки болон казахууд бараг нэг хэлтэй, угсаатныхаа талаар тэд узбекуудаас илүүтэй казахуудтай ойр ард түмэн.
Тэдгээр эрдэмтдийн үзэж байгаагаар бол Казахстаны газар нутаг нь ийм байдалтай байх ёстой гэж Biz Qazaqpiz сайтад бичжээ.