Барууны нөлөө бүхий хэвлэлийн нэг “Washington Post” сониныг “Amazon”-ын эзэн Жефф Безос 250 сая ам.доллараар худалдан авахаар болжээ. Ойрын хоёр сарын дотор тус сонин шинэ эзнийхээ бүрэн мэдэлд очих юм байна. Гэхдээ Жефф Безос сонины өдөрт тутмын үйл ажиллагаад оролцохгүй гэж мэдэгдээд байна. “Вашингтон Пост”-ын одоогийн гүйцэтгэх захирал Дональд Грэхэмийн гэр бүл сүүлийн 80 жил эзэмшиж буй уг сонины ирээдүй бусад цаасан хэвлэлийн нэгэн адил интернэт ертөнцөд шахагдан, бүрхэг болод байгаа юм. Реклам сурталчилгаанаас олох орлого ньүлэмж багасч, залуу уншигчид тэр бүр сонин уншихаа больсон нь уламжлалт хэвлэлийн зах зээлийг хумигдуулж, АНУ-ын хэмжээнд долдугаарт бичигддэг ерөнхий цар хүрээ, нэр хүндээрээ бол “Нью-Йорк Таймс”-тай өрсөлдөхүйц гэж үнэлэгддэг “Вашингтон Пост”-ыг ирээдүйгээ харсан өөрчлөлт хийхэд хүргэсэн байна. Дональд Грэхэм мэдэгдэхдээ “Өдөө сонины зэх зээлд тулгарч буй сорилт бэрхшээлүүд биднийг өөр удирдагчтай болж үзвэл сонинд маань хэрэгтэй юм гэж бодоход хүргэсэн” гэж ярьжээ.
Хэдийгээр хэвлэлийн зах зээл явцгүй болж байгаа ч Вашингтон Постын нэр хүнд, нөлөөллийгн нь ашиглах дижитал хэлбэрээр гаргахад амжилт болж болно хэмээн мэргэжилтнүүд харж байгаа ч Жефф Безост одоохондоо хэрэгжүүлэх өөрчлөлтийн төлөвлөгөө алга гэдгээ сонины хамт олонд мэдэгджээ.
