Намрын ургац хураалтын ажил удаашралтай байгааг салбарын яамнаас өнгөрсөн долоо хоногт мэдээллэж, ажиллах хүч авахаар саналаа ирүүлсэн аж ахуйн нэгжүүдэд Батлан хамгаалах яамтай хамтран хугацаат цэргийн алба хааж байгаа цэргүүдийг дайчлан ажиллуулахаар болсон. Тэгвэл Монголын залуучуудын холбоо, Хөдөлмөрийн төв бирж, ҮХААЯ-тай хамтран “Намрын ажил” төслийг эхлүүлж байгаа аж. Төслийн хүрээнд 103 залуу намрын ургац хураалтын ажилд гар бие оролцохоор болсон байна. Тэднийг тариан талбай руу үдэн гаргах ёслол өнөөдөр 12 цагт МЗХ-ны төв байранд болох юм байна.