“Би монгол хүний саруул ухаанд итгэдэг...”
Нэгэн цагт ийнхүү хэлж, эх орныхоо иргэн бүрийн төлөө ардчиллыг түүчээлж явсан эрхмийг энэ өдөр дурсан санадаг. Одоогоос 14 жилийн өмнө энэ өдөр монголчуудыг айдаст автуулсан хэрэг болов. Бусдын гарт амиа алдсан ардчиллын анхдагч, намын дарга, улсын тэргүүн ч болох чансаатай улс төрчөө алдлаа.
Монгол хүн бүрт, Монгол Улсад том гарз тохиосон нь, тэр. Түүнээс хойш жил бүрийн аравдугаар сарын энэ л өдөр Чингисийн талбайн баруун өмнө тийш орших хүрэл хөшөөг эргэж, цэцэг өргөдөг. Уламжлал ёсоор өнөөдөр 11:00 цагт хамтран зүтгэж явсан найзууд, зорилго нэгт намын нөхөд, ах дүү, элгэн садан нь түүний гэрэлт хөшөөнд цэцэг өргөнө. Улс төрийн зорилгоор амиа алдсан гэж түүний золгүй үхлийг хардах хүн олон. Тийм ч учраас өнөөг хүртэл хэргийн учиг тайлагдаж, гэмтэн хариуцлагаа хүлээгээгүй гэдэг.
