Хятад улс кибер терроризмтой тэмцэхэд олон улсын хамтын нийгэмлэгийг дэмжиж, олон улсын кибер сүрдүүлэгтэй тэмцэх зорилго бүхий, НҮБ-ын Аюулгүйн Зөвлөлийн 2129 дүгээр тогтоолыг сайшаан хүлээн авч буйг тус улсын ГХЯ-ны албан ёсны төлөөлөгч Хуа Чуньин мэдэгдлээ.
Чуньины хэлснээр, энэ баримт бичиг нь кибер гэмт хэргийг тархаахгүй байх, террорист бүлэглэлүүдийн хууль бус үйлдлийг хянахад туслах аж.
Кибер терроризм Хятадын аюулгүй байдалд тулгамдсан асуудал болоод байна гэж Хятадын ГХЯ-ны төлөөлөгч хэллээ.
Дуу-дүрс бичлэгээр дамжуулан хэт давруу үзэлтнүүдийн ажиллагааг дэмжихийг уриалсан, "Зүүн Туркестаны лалын хөдөлгөөн"-ий интернэтийн идэвхтэй хэрэглээний улмаас Шинжаан-Уйгарын ӨЗО болон Хятадын умард бүс нутгуудад хүч хэрэглэсэн нэлээд хэдэн хэрэг гарсан юм.
Хэт давруу үзэлт тус бүлэглэл "ариун дайн"-д уриалсантай холбоотойгоор Хятад улс энэ асуудлыг нухацтай авч үзэн, сүрдүүлэгтэй олон улсын хамтын нийгэмлэгтэй хамтран тэмцэх болсон байна.
