УИХ-ын чуулганы пүрэв гарагийн хуралдаан дээр УИХ-ын гишүүн Ц.Нямдорж хуулийн төсөл өргөн мэдүүлж хэлэлцүүлж буй Хуульзүйн сайд Х.Тэмүүжинг “Юмаа мэдэж ярь. Тэр терроризм чинь монгол байхгүй. Зэвсгийн наймаа ч байхгүй. Тэр Онгоцны мотор гээд байгаа чинь хуучны Су-26 онгоцны эвдэрсэн муу моторын сэг байсан юм” гээд загнав. Энэ нь ЗХЖШ-ын Агаарын довтолгооноос хамгаалах цэргийн командлагч асан, бригадын генерал Т.Дашдэлэгийн сөнөөгч онгоцны моторыг БНАСАУ-д наймаалахаар гэрээ хийснийг  хэлж байгаа хэрэг. Тэгэхээр түүнийг онгоцны мотор биш эвдэрсэн сэг гээд байгаа нь цаагуураа генерал Т.Дашдэлэгийг саяхан 3,5 жилээр шийтгэсэнд гаргасан уураа УИХ-ын чуулганы хуралдаан дээр илэрхийлж байгаа нь энэ юмсанж. Эрхэм гишүүн энэ асуудлыг ийн сөхөж, Хуульзүйн сайдад уурлаад байгаагийн цаана тэр наймаанд манай улсын “номер нэг” хуульч өөрөө оролцож ашиг хүртсэн юм биш байгаа гэж хардахад хүргэж байна.
Нөгөө талаар Монгол Улсад Зэвсгийн наймаа, терроризм байхгүй гээд хашгичаад байгаа нь өөрөө Хуульзүйн салбарыг олон жил удирдаж байсны хувьд “Ийм зүйл гарахгүй байх үндсийг нь би тавьсан. Гаргуулаа ч үгүй” хэмээн өөрийгөө бас магтаад авч байгаа юм болов уу.
Нөгөө талаар эрхэм гишүүн Ц.Нямдорж Монгол Улсад терроризм, зэвсгинй наймаатай хийх тухай хууль батлуулах сонирхолгүй байгаа юм байна.
Төрийн дээд байгууллагын баталсан хуулийг орон гэртээ засч амин хувьдаа нийцүүлдэг, гадаад улсад тагнуул хийн бэлэг сэлт авч дайлуулж цайлуулж байсан, авгай нь архи дарсны акц хийдэг гээд төрийн хэргийг хувийн эрх ашигтаа нийцүүлэх дуртай хэмээн яригдаж байсан энэ эрхэм онгоцны мотор наймаалах хэрэгт оролцсон юм биш биз.
Магадгүй Ц.Нямдорж ингэж эсэргүүцэж терроризм, зэвсгийн наймаатай хийх тэмцлийн тухай хууль батлуулахгүй байж байгаад ямар зэвсэг, юуг хаашаа наймаалж зарах гэж байгаа юм бол гэсэн хардлага ч бас төрж байна.