Америкийн согтууруулах ундаа болон тамхины татварын товчоо энэ намраас эхлэн нунтаг согтууруулах ундаа зарахыг зөвшөөрөх тухай хуулийн төсөл боловсруулжээ. Одоо төлөвлөж байгаагаар бол худалдаанд архи, ром дарс, “Мохито”, “Маргарита”, Космодолитон”, “Нимбэгийн дусал” гэсэн дөрвөн төрлийн коктейль гээд нийт зургаан төрлийн нунтаг архи гарах юм байна. Хэрэглэгч нунтаг архийг аваад багахан хэмжээний усанд найруулаад л хэрэглэх юм байна. Бас өөр төрлийн хоол хүнс хийхэд ч хэрэглэж болох гэнэ. Харин үйлдвэрлэгчид ийм архийг үнэртэж хэрэглэх нь эрүүл мэндэд хортой гэж үзэж байна.
Гэхдээ л нунтаг архины гол хэрэглэгчид нь залуучууд болно, яагаад гэхээр ер бусын амттай энэ бүтээгдхүүн харьцангуй хямд байх гэнэ. Энэ нь архи согтууруулах ундааг шилэнд савлаж, тээвэрлэхэд гардаг зардлуудаас хэд дахин хямд байгаатай холбоотой юм байна.