“Тэмүүжинд ноцтой алдаа дутагдал бий. Харин энэ Засгаас эхэлж огцорууулах сайд биш. Тэр алдаа дутагдлаа засч,сургамж авах чадвартай гэж итгэе” гэсэн үгийг Ерөнхийлөгч Ц.Элбэгдорж твиттерт жиргэлээ. Ерөнхийлөгчийн хувьд Засгийн газрын үйл ажиллагаанд сэтгэл дундуур байгаагаа ийн тод илэрхийлж эхэллээ. Эхэлж огцруулах сайд нь биш гэхээр ямар ч байсан Засгийн газарт огцрох ёстой сайд нэг биш байна гэдгийг төрийн тэргүүн хүлээн зөвшөөрч эхэлжээ. Хууль зүйн сайд Х.Тэмүүжинг огцруулах асуудал яригдаж эхэлснээр Засгийн газраас дараа дараагийн сугарах сайд нарын нэр ч тодрох нь ойлгомжтой боллоо. Хамгийн гол нь шинэчлэлийг хамгийн их ярьсан Х.Тэмүүжин ноцтой алдаа гаргаж, хамгийн түрүүнд суудлаа тавьж өгөхөд хүрээд байгаад л иргэд сэтгэл дундуур байна. АН-ын Засгийн газар энэ удаад тогтвортой ажиллаж чадахгүй нь нэгэнт тодорхой боллоо.