Дээдэс нь суудлаа олохгүй бол доодос нь гүйдлээ олохгүй гэсэн өвгөдийн нэгэн сайхан үг байдагсан. Сүүлийн үед болоод байгаа үйл явдлуудаас харахад монгол төр гэдэг ёстой хүүхэд нохойн доог болж уу дээ.
18 нас хүрээгүй байж аль хэдийнээ эрчүүдийн өвөр түрий дамжин, хар тамхи наймаалцаж явсан гэх Г.Сарангэрэл гээд нэг охин Монголын төрөөр бүр тоглож гүйцлээ. Эхлээд л Хуульзүйн сайд Х.Тэмүүжинтэй унтаж хэвтсэн “их  сайн ах” гээд байсан чинь одоо биднийгээ харж хамгаалж байдаг цагдаа нарын булайг дэлгээд тавьчихдаг юм байна. Тэгэхнээ цагдаагийн хурандаа нар  "Тэмүүжин сайдтай унтсан гэж хэл" хэмээн бүсгүйг дарамталж байгаад буудалд нэвтрүүлэг хийсэн гэнэ.
Хаа газар намнах гэсэн хүнээ эмс охидтой холбож байж суудал сандлаас нь зайлуулдаг, карьерыг нь буулгадаг жишгээр Х.Тэмүүжинг зайлуулчих санаатай эхэлсэн нь бүтэлгүй болохоор одоо салхи өөрсөд рүү нь эргэлээ. 
Одоо ингээд байдал өөр боллоо. Цагдаа гэдэг монгол төрийн хувцасны цаана ямар их булай бузар нуугдаж байна вэ. Хятадуудтай сүлбэлдсэн л гэдэг,  зэвсэг хадгалж, нууж дарж байсан л гэдэг. Хамгийн доод шатны замын муу цагдаа л гэхэд хуруу хумсаа хуйхалж байж хэдэн төгрөг цуглуулан машин аваад уначихсан иргэдийг яаж дарамталж мөнгийг нь сааж торгодог билээ. Одоо  торгуулийг бэлнээр авахгүй, картаар уншуулдаг болсон ч  гэсэн “За картаар уншуулбал төдөн төгрөг л гарна шүү дээ. Уншуулах уу, яахав” гэж байгаад л хэдэн төгрөгийг нь халаасалдаг нь яг хэвээрээ.
За тэгээд л ер нь хар хувцас өмссөн л бол бүр хүнээ байгаад тэнгэрийн амьтан болчихно.
Чухамдаа хар хувцасаа тайлаад, эрээн модоо орхичихвол ёстой "амьтан" л даа. Бичиг үсэг мэдэхгүй ээ, хүнтэй аятайхан ч ярьчихаж чадахгүй ээ. Бүдүүлэг гэж жигтэйхэн.
Ямар сайндаа мөрдөн байцаагч, цагдаагийн офицер хүн мэдүүлэг авахдаа “театр” гэдэг үгийг хэлэхэд “титаар” гэд биччихэж байхав дээ.
Монгол төрийн сүлд тэмдэгтэй тэр хар хувцасны цаана ёстой чөтгөр ч нуугдаж болдог болохоор гэмт хэргийн үүр уурхай болсон, өөр яагаад ч амьдралаа аваад явчихаж чадахгүй адгийн юмнууд цагдаагийн алба руу шургах гэж үхэн хатан зүтгэж ирсэн нь өнөөдөр ийм балаг тарьж нэг биеэ үнэлэгч хүүхний амны бай болж байгаа нь тэр.
2008 оны долдугаар сарын 1-нд яалаа. Цагдаагийн ажилтнууд  тэр үймээнийг дотроос нь зохион байгуулж хүнийг турхирчихаад маргааш нь хамт явсан хүнээ байцаагаад балбаж нүдээд зогсч байсан гэсэн яриа бий. Төрийн хар хувцастай тэр ядуухан амьтад Дэнжийн мянгад өчнөөн олон  сайхан залуучуудыг яаж яргалж тамлаж гарын шүүс болгон хөөрцөглөж байсан билээ.
Дөрвөн сайхан залуугийн хойноос хөөж байгаад буудсан цагдаа нар өнөөдөр бидний дунд инээгээд л “Би ч бас мэргэн буудсан шүү” гэж бодоод л алхаж яваа. Яахав хэдэн дарга нар нь үүрэг өгснөөрөө шийтгүүлсэн болоод л өнгөрсөн болохоос биш яг гох дарсан хүн нь өнөөдөр цол зэрэг ахьчихсан нэг их том амьтан л улам хөөрцөглөөд, “Алж болсон юм чинь зодоход яадаг юм” гээд хэн нэгнээр гарын шүүс хийгээд л явж байгаа.
Ийн ард түмнээрээ, нэг сэжигтнээр  тохуу хийж гарын шүүсээ гаргаж байсан цагдаа өнөөдөр төрийн сайдын эсрэг, нам улс төрийн хүчний эсрэг хор найруулж, монгол төрөөр тоглодог  болж.
Өнөөдөр төрийн сайдын эсрэг хор найруулж огцруулах гэж байгаа цагдаа, маргааш Засгийн газраар, нөгөөдөр Ерөнхийлөгчөөр, тэгээд монгол төрөөр оролдож эхлэхгүй гэсэн баталгаа байна уу, та минь ээ. Тэгээд ч тэр нь нэг муу замын цагдаа, жижүүрийн офицер биш. Хурандаа......нар.
Эд ер нь яах гээд байна. Ард түмнээ хамгаал гээд өгсөн зэвсгийг минь  бариад маргааш монгол төрийн эсрэг босох юм биш биз. Өнөөх цагдаагийн хэвлэл мэдээллийн хурандаа Т.Сайнжаргал мэтийн нөхөд бол зүрх нь хөөрөөд л энэ муу хэдэн цагдаагаа хөөргөдөөд телевизээр яриад турхираад эхэлнэ шүү дээ.
Долдугаар сарын 1-ний хэргээр генерал Ч.Амарболд нарын хэргийг шүүж байх үед цагдаа нар чинь ажлаа орхиод шүүхийн өмнө дүрэмт хувцастайгаа жагсч байсан хүмүүс шүү дээ. Яах гэж байсан юм бол. Дайраад орох гэж байсан юм болов уу.
“Миний цагдаа намайг хамгаална” хэмээсэн зөвлөлтийн нэгэн шүлэг байдаг даа. Одоо бол цагдаад итгэснээс итгээгүй нь дээр. Цагдаа харагдвал замын нөгөө талаар л явж байхгүй бол яаж ч мэднэ.
Одоо хэдхэн хоноод наадам болох гэж байна. Харж л байгаарай, цэнгэлдэх хүрээлэн, хурдан морины талбайд хэдэн хар хувцастай юм яаж дөвчигнөдөг билээ. Төрийн хувцасаар түрээ барьж өөрсдөө л хамгийн ойрхноос харах гэж зүтгээд л, наадамчдыг болохоор зүгээр л морьтой хүнтэй нь бороохойдоод зогсоно доо. Түрүү түрүү жилийн наадмаар ийм л байдаг байсан, одоо л засарч сайжирчихаагүй бол........