Хэвлий орчмоор тогтсон илүүдэл жин хорт хавдраар өвчлөх магадлалыг 33 хувиар нэмэгдүүлдэг болохыг Британийн судлаачид тогтоожээ. Ялангуяа эмэгтэйчүүдийн дунд түгээмэл тохиолдож байгаа хөхний хорт хавдар тусах эрсдлийг хэвлийн таргалалт ингэж нэмэгдүүлдэг байна. Судалгаанд дурдсанаар бол бүсгүйчүүдийн өмсдөг хувцасны размер хоёроор нэмэгдэхэд л энэ аюултай өвчин тусах эрсдэл 77 хувиар нэмэгддэг байх нь. Учир нь, хүний өөхлөг эд нь хавдар үүсгэгч оестроген хэмээн дааврыг ялгаруулдаг юм байна. Тиймээс хэвлий орчмоор нэмсэн тарга гар, хөлөнд үүссэн өөхлөг эдээс илүү аюултай гэнэ. Хүмүүс нас ахихын хэрээр аажмаар жин нэмдэг. Тэгээд үүнийгээ нас дагасан байх л ёстой үзэгдэл гэж үздэг учраас эрүүл мэндэд нь хортойгоор нөлөөлж байгааг мэддэггүй. Гэтэл 10 жил тутамд өмсөх хувцасны хэмжээ нэг размераар нэмэгдэхэд л өвчний эрсдэл танд 33 хувиар ойртож ирдэг ажээ.