37 настай хятад эр Ян Зянбин төрөхдөө л баруун талдаа нэг мэнгэтэй төрсөн гэнэ. Гэтэл түүнийг 9 нас хүрэхэд мэнгэ нь томорч эхэлж. 12 нас хүрэхэд нь бүр нударга шиг болж томорсон байна. Тэгэхээр нь мэс засал хийлгэж авхуулсан ч өнөөх нь улам л томорсоор байжээ.

Саяхан хятад эр өнөөх хавдраа дахин авхуулахаар шийдэж. Бээжингийн эмнэлэгт ирэхэд нь эмч нар бүр алмайрч орхижээ. Тэдний хэлснээр бол энэ нь дэлхийн анагаах ухааны түүхэн дэх хамгийн том хавдар байсан гэнэ. Аргагүй шүү дээ, мань эрийн хавдрын жин нь 110 кг хүрч байж.

Хавдрыг авахад мэс заслын тасгийн 9 мэргэжилтэн 16 цагийн хөдөлмөр зарцуулсан байна. Энэ хугацаанд хятад эр 5000 мл цус алджээ. Одоо Ян Зянбин эмнэлгийн хяналтад байгаа ч удахгүй гэртээ харина гэнэ.