Увс, Ховд аймагт янгир хамуурч үхэж байгаа тухай хэвлэл мэдээллээр өмнө нь гарч байсан. Тэгвэл өнгөрсөн 10 дугаар сарын дундуур Баян-Өлгий аймгийн Ногооннуур суманд нэг янгир, таван ишиг үхсэн байхыг хадланчид олжээ. Мөн тус сумын Хөшөөт, Ёл гэх газарт айлын өвөлжөө бараадан үхсэн хоёр ишиг олджээ.

Үхсэн янгирын хамар, хошуу яртай байсан тул халдвартай гэж үзээд Улаанбаатар хотын Улсын мал эмнэлэг, ариун цэврийн төв лаборитарид шинжилгээ хийлгэхээр дээжис явуулсан гэнэ. Мөн анчдаар өвчилсөн байх магадлалтай нэг ишгийг төхөөрүүлж шинжлүүлэхэд "эрүүл" гэж гарчээ. Энэчлэн одоо болтол янгирын үхлийн шалтгааныг тодруулж чадахгүй, янгирын гэнэтийн үхлийг зогсоож чадахгүй байгаа аж.