Хүн төрөлхтний түүхэнд нэрээ дуурсгасан аугаа их дайчин эрсийг нэрлэх нь сонирхолтой агаад нэн төвөгтэй зүйл. Тухайн үед тэд ямар зэвсэг хэрэглэж байсан хийгээд, тэр цагтаа ямар аян дайн өдүүлж, ямар амжилтад хүрсэн гээд олон зүйлийг харгалзах болно. Нөгөө талаас энэ хүмүүс зөвхөн зэвсэг барьсан хүн биш өөрийн газар нутаг улсаа хэрхэн хамгаалж байсан, зан суртхууны үнэт зүйл зэргийг бас харгалзана.

10. Ацтекууд

Ирвэсийн арьс хөмрөгөлдөж, бүргэдийн өд хатгасан энэ дайчид тулаанд ямар ч хайр найргүй дайран ордог улс. Нум сум, бороохойгоо гайхамшигтай эзэмшсэн байдаг. Куачикууд гэдэг нь ацкетийн армийн арын хамгаалалтын хүч. Дайсны долоон хүнийг олзолж авбал куачик нь ацтек болдог журамтай. Ацтекууд сүүлдээ өөрсдөөс нь илүү орчин үеийн зэвсэгтэй испаничуудад ялагдсан.

9.Монголчууд

Зүүн Европ, Азийг эзэлж явсан монголчуудыг зэрлэгүүд гэдэг ч морин дэл дээрх талын тэр эрчүүд цэргийн урлагийн мастерууд байсан. Чингис хаан Монгол улсыг, монголын армийг үндэслэсэн. Монгол цэргүүд зохион байгуулалт, сахилга бат сайтай, нум сум гайхамшигтай эзэмшсэн байдаг. Байлдааны үед давших ухрах зэрэг цэргийн урлагийн олон төрлийг ашиглахын зэрэгцээ дайсандаа сэтгэлзүйн дарамт үзүүлэх арга бас хэрэглэдэг. Иймдээ ч тэд тухайн цагтаа хамгийн том эзэнт гүрэн байгуулж чадаж байсан.

8. Мамлюкууд

Энэ бол дундад зууны үед исламчуудын боол байж лалын халифууд,  Айюбидын гүрний султануудад зүтгэж явсан улс. Цагийн урсгалаар хүчирхэгжин загалмайтнуудыг ялж эхэлсэн. Мамлюкууд  фурус хэмээдэг биеийн хүчний бэлтгэл, байлдааны бэлтгэлийг төгс эзэмшсэн байдаг. Үүнд нь морин цэргийн тактик, морин дээрээс нум сумаар харвах эрдэм, шарх эмчлэх арга орохоос гадна эр зориг, шийдэмгий байдал бас орно.

7.Ромчууд

Ромын арми нь хамгийн олон хүнтэй, хамгийн хүчирхэг арми байсан.  Бамбай, хуягаар зэвсэглэсэн хүнд явган цэрэг нь илд, жад эзэмшихдээ гарамгай. Тэд хувцас , зэвсэг хэрэглэл хангалттай, хамгийн баян дайчид байсан гэж болно. Маш сайн сургасан, зэвсэг эзэмших, цэргийн тактикийн талаар гайхалтай, улсаа хамгаалахын зэрэгцээ, шинэ газар эзэмшиж олон жилийн турш оршин тогтоносон.

6. Апачи

Апачи нар бол америкийн нинжа нар л гэсэн үг. Тэд дайсандаа мэдэгдэлгүй ойртон очиж хоолойг нь хэрчиж чадна. Чулуу, ясаар хийсэн зэвсэг хэрэглэнэ. Энэ бүхнийгээ өөрсдөө хийнэ. Апачи нар америкийн баруун өмнөд нутгийн эзэмшиж байхад цэргийнхэн ч тэднийг барахгүй байсан үе бий.

5. Самураи

Самурай бол японы рыцариуд, илд эзэмшихдээ гаргуун дайчид. Хуяг дуулга бүхий, маш сайн зэвсэглэсэн энэ дайчид эзнийхээ төлөө амиа өгдөг. Тэд манай дэлхий дээрх хамгийн хурц илдээр хүнийг шууд л хоёр хуваана. Бас нум хэрэглэдэг, тухайн үедээ хамгийн мэргэн харваач нар байсан тэд мэргэжлийн цэрэг шиг л байсан гэдэг. Морь унаж, хамгийн хүнд хэцүү үед ч байлдахаар сургуулилсан. Маш их хүчирхийлэл үйлддэг байснаас тариачид, олон нийт тэдний эсрэг босч аажмаар самурай нар нинжа болж тарцгаасан.

4. Нинжа

Нинжа нар бол өнгөлөн далдлалтын мастерууд. Эхлээд тэд самурай нараас  хамгаалах зорилготой тариачид байснаа сүүлдээ өөрсдөө алуурчид болж хувирсан гэж үздэг. Тэд илд, үлээдэг хоолой ашигладаг. Байлдах дайтах урлагийг дээд зэргээр эзэмшсэн ганц дайчид.

3. Викингүүд

Викингүүд бүх европыг айлгаж байсан улс. Сүх, илд, жадаар зэвсэглэсэн тэд европын хаана л бол хаана байлдан тулалдаж дээрэм тонуул хийж байсан. Викингүүд хөлөг онгоц маш сайн хийдэг, хамгийн төгс төгөлдөр онгоцоор аялж байлддаг, драккарам гэж нэрлэдэг байлдааны хөлгүүдтэй байжээ. Нөгөө талаар тэд гайхамшигтай наймаачид байснаар Европт худалдаа соёл түгээхэд ихээхэн үүрэг гүйцэтгэсэн.

2. Спартчууд

Тулаанд мордож байгаа спарт дайчинд ээж нь “Нэг бол илдээрээ сүлбэ, нэг бол сүлбүүл” гэдэг байж.  Спартчууд эртний дэлхийн шилдэг дайчид байжээ. Тэднийг бүр төрөхөөс нь эхлэн ажиглаж ямар нэгэн эмгэгтэй бол хаяж эрүүл чийргийг нь хар багаас нь цэрэг дайны бэлтгэл хийлгэдэг. 7 нас хүртэл нь эцэг нь сургана, дараа нь цэргийн лагерьт аваачин тусгай бэлтгэл хийлгэнэ. Энд Агогийн системтэй бэлтгэл хийж төрөл бүрийн зэвсэг хэрэглэж, хайр найргүй алахад сургана. Өвчин мэдрэхгүй болгохын тулд бороохойгоор балбаж тамлана. Ингэснээр амьдрал нь бүхэлдээ цэргийн, байлдааны урлаг болж хувирна.

1. Рыцарь

Рыцарь буюу хэрмэл дайчид жинхэнэ аугаа дайчид байсан. Хуяг дуулга өмсөн морь унаж феодалын Европт эзэн хаанаа хамгаалдаг улс байлаа. Цэргийн бэлтгэл сайтай, баян хүмүүс болохоор хувцас хуяг дуулга морь сайтай. Тэд амьдралынхаа туршид цэргийн урлагт суралцдаг. Үнэнч, эр зоригтой, чөлөөт хүмүүс. Рыцариуд зөвхөн цэргийн урлагийн талаасаа ч биш бас жинхэнэ эр хүн байжээ.