35 тэрбум төгрөгийн татвар "зувчуулсан" “Саусгоби сэндс” компанийн удирдлагуудыг шүүх хурал Дүүргийн Эрүүгийн хэргийн анхан шатны хоёрдугаар шүүхэд гурав дахь өдрөө үргэлжилж байна. 
Хэргийн талаар эргэн сануулахад, Жастин Капла нь “Саусгоби сэндс” ХХК-ний гүйцэтгэх захирлаар ажиллаж байхдаа тус компанийн санхүүгийн ерөнхий менежер Хиларион В.Кажукомтай нийлж компанийн 2011 оны санхүүгийн тайлан тэнцлийг гаргахдаа Татварын хууль, Нэмэгдсэн өртгийн албан татварын тухай хууль, Аж ахуйн нэгжийн орлогын албан татварын тухай хуулийн хэд хэдэн заалтыг зөрчсөн тухай бид өмнө нь мэдээлж байсан. Ингэхдээ татвар ногдох орлогын зардлын тоо хэмжээг зориуд нэмж, татвар ногдох орлогыг зориуд бууруулан 90 тэрбум төгрөгийн орлогод ногдох 17 тэрбум төгрөгийн буюу онц их хэмжээний татвар төлөхөөс санаатай зайлсхийсэн гэмт хэрэгт зохион байгуулагчаар оролцсон гэж үзсэнээр энэ хэрэг эхэлсэн.
Тус шүүх хуралдд хохирогчоор Монгол Улсын Сангийн яамны итгэмжлэгдсэн төлөөлөгч Ч.Отгонбаяр, Б.Цолмонтуяа нар оролцож байна.
Тус компанийн үл хөдлөх хөрөнгө болон Хаан, Голомт, Худалдаа Хөгжлийн банкин дахь дансуудыг битүүмжлэн, “Саусгоби сэндс”-ийн удирдлагуудыг гадагш явахыг хориглоод байгаа юм.
