Манай гаригын хамгийн сайхан хүүхнүүдийн нэг алдарт жүжигчин, загвар өмсөгч Меган фоксын нэгэн зураг цахим ертөнцөд шуугиан тариад байна. Тэрээр секс хийж байхдаа сельфиджээ.

Холливудын хамгийн сайхан хүүхнүүдийн нэг Меган Фокс ирланд-франц холимог цустай, уугуул Америк бөгөөд Дарлен Тоначчио болон Франклин Фокс нарын гэр бүлд Теннесси мужын Оак Ридже хотод 1986 оны тавдугаар сарын 16-нд төржээ. Багад нь эцэг эх хоёр нь салсан учир Меган, түүний эгч хоёр ээж, хойд эцэг Тони Тоначчио нарын халамжид өсч хүмүүжсэн юм. Тэр нэгэнтээ гэр бүлийн “маш чанга” ахуйд  өссөн, эцэг эх нь найз хөвгүүнтэй байхыг ч хатуу хориглодог байсан учир гэртээ найз нараа урих, оруулахыг нь ч зөвшөөрдөггүй  байсан хэмээн ярьсан байдаг. Гэхдээ ээж нь хүрэлцэхүйц мөнгөөр охиноо ханган бүх талаар дэмждэг байж. Тэрбээр таван настайгаасаа төрөлх Теннесси мужийнхаа Кингстон хотод драмын жүжгийн болон бүжгийн дугуйлан сургалтад сурч эхэлсэн байна.

Меган Ромын католик шашинтан бөгөөд 12 жилийн турш католик шашны дунд сургуульд суралцжээ. Мөн дунд сургуульд суралцаж байхдаа найрал дууны хамтлагт дуулж (хоор), “Кингстон Клипперс” усанд сэлэлтийн багт орон усан спортоор идэвхтэй хичээллэдэг байв. Түүнийг 10 настай байхад нь тэдний гэр бүл Флорида муж руу шилжсэн ба тэнд Меган загвар өмсөгч болохоор шийдэж дахиад л шинэ сонголт хийсэн байна. 1999 онд 13 настай байхдаа Өмнөд Каролина мужийн Хилтон Хид-д болсон “Америкийн загвар ба билиг авьяасын гэрээ” гэх тэмцээний ялагчаар тодоржээ. Улмаар 2001 онд кино жүжигчний замналаа эхлүүлж, “Holiday in the Sun” нэртэй кинонд анх тоглосон юм. Мөн тэр жилдээ телевизийн “Ocean Ave” цувралд тоглож эхэлсэн бөгөөд энэхүү цуврал хоёр жилийн турш үргэлжилсэн байна. Түүнээс хойш том, бага нэг ангит болон цуврал гээд нийтдээ 11 кинонд, телевизийн цуврал болон нэг ангит таван кинонд гол ба туслах дүрүүдийг  бүтээсэн бөгөөд эдгээрээс уран зөгнөлт “Трансформер” кино түүнд жинхэнэ алдар нэрийг авчирч, Холливудын кино шүүмжлэгч, найруулагчдын хараанд өртжээ.

Тэрбээр 2005 онд “Hope & Faith” киногоороо Шилдэг залуу жүжигчин,  2007 онд Холливудын “Life Magazine”-ээс явуулсан санал асуулгаар “Оны шилдэг нээлт”, 2009 онд Торонтогийн Олон улсын кино их наадмаас “Jennifer’s Body” киногоор MTV Awards зэрэг шагналуудыг хүртэж байсан. Тэр харьцангуй залуу ч Холливудад өөрийн дундаршгүй авьяас билиг, цуцалтгүй хөдөлмөрөөрөө алдар хүндийн оргилд хүрч чадсан юм. Меган өөрийн уран бүтээлийн карьерийн явцад алдарт Женнифер Анистон, поп гүнж Бритни Спирс, дуулиант Линдсей Лохан зэрэг одуудтай хамтран тоглож байв.

Киноны гол шагналуудыг бараг бүгдийг нь “түүж” чадсан Меганыг шүтэн бишрэгчид дэндүү олон. Сая саяар тоологдоно. Алдарт уран зөгнөлийн цуврал “Трансформер”-оор л гэхэд М.Фокс даруй National Movie Awards зэрэг дэлхийн кино урлагийн түвшний 5 шагнал хүртсэн байна.       

Эдүгээ 24 настай Меганд өнгөрсөн жилийн зургадугаар сард нэлээд удаан үерхсэн найз залуу нь болох Брайан Остер Грин гэрлэх санал тавьсан аж. Тэд өнгөрсон оны зун Хавайн арлууд дээр бараг л “бал сар” гэж хэлж болох жаргалтай өдрүүдийг өнгөрүүлсэн бөгөөд үүнийг нь гэрчлэгчид олон байгаа хэмээн Assoshaited Press мэдээлжээ. Алдарт жүжигчин бүсгүй маань ч нөхөрт гарахаар эргэлт буцалтгүй шийдсэн гэнэ. Меган тэр үед их л аз жаргалтай харагдаж байсан бөгөөд найз залуугийнхаа саналыг шууд л хүлээн авсан нь мэдрэгдэж байсан гэж түүний шүтэн бишрэгчид нь ам уралдуулан олон нийтийн мэдээллийн хэрэгслүүдэд ярьсан байна. Энэ тухай US Weekly ч бас мэдээ бэлтгэн цацсан юм.

Тэрээр 2008, 2009 онуудад хоёр жил дараалан дэлхийн хамгийн тачаангуй бүсгүйгээр тодорсон цорын ганц алдартан болсон. Харин 2010 онд энэхүү титмээ Victoria’s Secret агентлагийн загвар өмсөгч Maricce Miller-т “алдсан” байна. Сүй тавьсны бэлгэдэл болгон Брайан хайртай бүсгүйдээ алмазан шигтгээтэй бөгж бэлэг болгон өгсөн гэнэ. Тийм ээ, тэр одоо нэртэй продюсерийн гэргий болж, үгээр хэлэмгүй аз жаргалтай байгаа нь хэн бүхэнд ойлгомжтой биз ээ.