Махын үнийг тогтвортой барих үүднээс энэ жил улсын хэмжээгээр  14,5  мянган тонн мах нөөцлөөд байгаа. Цагаан сарын дараахнаас  гаргана гэж байсан махаа өнөөдрөөс худалдаалж эхэлнэ гэсэн  ч Хүнс, хөдөө аж ахуйн яамнаас “Өнөөдөр дэлгүүрүүдээр зарж амжихгүй, ямартай ч энэ долоо хоногтоо багтаан худалдаалж эхэлнэ” гэсэн хариултыг өгч байна.
Нөөцийн махыг  Улаанбаатар хотын есөн дүүргийн 1000 гаруй дэлгүүр, цэгээр худалдаалахдаа хонины мах кг-ийг нь 5750 төгрөг, үхрийнх 5950,   ямааныхыг 4900 төгрөгөөр худалдаалахаар зохицуулжээ.
Энэ жилийн нөөцийн мах амт, чанарын хувьд  ямар нэгэн асуудал байхгүй, ХХААЯ-наас гаргасан журам ёсоор стандарт, технологийн  дагуу бэлтгэсэн хэмээн  Монголын махны холбоо мэдэгдэж байна.