Францын нийслэл Парис 2024 оны зуны олимп болон парилимпыг зохион байгуулах эрхийн төлөөө өрсөлдөх дөрөв дэх хот боллоо.

2024 оны олимпыг зохион байгуулах эрхийг авахын төлөө өрсөлдөх хүсэлтээ  Италийн Ром, АНУ-ын Бостон, Германы Гамбург хот хэдийн гаргасан юм. Унгарын нийслэл Будапешт хот мөн энэ өрсөлдөөнд нэгдэх төлөвтэй байна.

Парис 2024 оны олимпыг зохион байгуулахын тулд дэд бүтцэд гурван тэрбум евро, үйл ажиллагааны зардалд 3.2 тэрбум евро зарцуулах тооцоо гаргажээ.

Олон улсын олимпын хороо 2016 онд нэр дэвшигч хотуудыг шигшиж, 2017 оны зун зохион байгуулах улсыг сонгоно.