Төв аймгийн Баянхангай суманд монголын тусгаар тогтнолын түүхэнд тодорхой хувь нэмэр оруулсан Азийн морин дивизийн командлагч Барон Унгернд зориулсан музей нээжээ хэмээн оросын flashsiberia.com сайт мэдээлсэн байна.
Энэ мэдээнд монголын үндэсний үзэлтнүүдийн дунд Монгол улсыг хэзээ тунхагласан бэ гэдэг асуудал өнөө ч маргаантай байна. Уламжлалт ойлголтоор 1924 оны арваннэгдүгээр сарын 24, энэ өдөр Бүгд Найрамдах Монгол Ард Улсыг тунхагласан гэж үздэг.  Гэтэл нөгөө нэг хэсэг нь 1921 оны хоёрдугаар сарын 4-ний өдрийг нэрлэж байна.
Энэ өдөр бол Барон Унгерний командалсан Азийн морин дивиз дөрөв хоногийн ширүүн тулалдааны эцэст  нийслэл Өргөөд байсан хятадын тоо, хүчээр илүү хятадын гарнизоныг бут цохьсон өдөр. Ингээд хятадуудын баривчлаад байсан шарын шашны тэргүүн Богд гэгээнийг суллаж хаан ширээнд нь залан их ёслол үйлджээ.  
Монголын ард түмэн Барон Унгерныг чөлөөлөгчөө хэмээн үзэж Богд гэгээн ч Роман Федорович фон Унгерн-Штернбергт чин вангийн хэргэм, улсыг мандуулагч их баатар жанжин цол олгосон байна.
Хэдийгээр иргэний дайны үед орост ад үзэгдэн байсан   хаант оросын энэ генералыг монголын ардын намынхан баривчилж большевикуудад өгснөөр Сибирьт цаазалсан ч Богд гэгээн хойдохыг нь даан бүх сүм хийдүүдэд ном хуруулж байсан гэдэг.
Монголын тусгаар тогтнол, төрт улсыг сэргээхэд Барон Унгерны оруулсан хувь нэмрийг үнэлж Төв аймгийн Баянхангай сумын иргэдийн төлөөлөгчдйин хурал дурсгалыг нь хүндэтгэн, мөнхжүүлэх шийдвэр гаргаснаар  энэ музейг нээжээ.
Баянхангай сум бол тэр цагт Бароны морин дивиз  хятад цэргүүдтэй хамгийн хүнд ширүүн тулалдаан хийсэн газар юм байна.
Музейн нээлтэд Монголын ШУА-ийн түүх архелогийг хүрээлэнгийн удирдлага, орон нутгийн удирдлага, дунд сургуулийн багш сурагчид оролцжээ.
Музейд Барон унгерний гэрэл зургууд, дайн тулааны зам маршрут, газрын зураг, ном товхимол зэргийг тавьсан байна.