Америкийн Нью-Йорк хотын үнэт дэлгүүрийнхэн  сая доллараар үнэлэгдэх эрдэнэсийн зүйлсээ хогийн савандаа   хаячихсаныг олсон байна.
New York Post сонины мэдээлснээр бол үнэт зүйлсийг цаасан уутанд хийгээд хаячихсан байсан гэнэ. Хотын Манхэттен дүүрэг дэх олон давхар барилгад байрладаг энэ дэлгүүр тэр өдөр өөр давхар луу нүүх үеэр ачигчид гурван хайрцагтай зүйлийг хэрэггүй гээд хаячихсан нь тэр гэнэ. Үнэт зүйлсийг барилгын хамгаалалтын ажилтан 47 настай Уилфред Мартинес олоод  гуравдугаар давхрын хонгилд байсан ажиглалтын камерын бичлэгийг устгажээ. Өнгөрсөн даваа гарагт цагдаагийнхан түүнийг баривчилснаар тэр 3,2 сая долларын үнэ бүхий алмаз эрдэнийг буцаан өгсөн байна. Тэр бас тус бүр нь 10 мняган доллараар үнэлэгдэх өөр үнэт чулуунуудыг авснаа ч эргүүлж өгчээ. Заримыг нь тэрээр тухайн барилгад байрладаг үнэт эдлэлийн дэлгүүрт өгчихсөн байсан гэнэ. Одоо цагдаагийнхан 5-10 сая доллараар үнэлэгдэх бусад эрдэнэсийг хайж байна.