“Ардчилал” сонины сэтгүүлч, сагсан бөмбөгийн үндэсний дээд лигийн “Эрдэнэдрийлинг-Ригс”, “МУИС-МБМ”, “Уурхайчин” багт тоглож байсан спортын мастер Батцэнгэлийн Батхишигт яаралтай бөөр шилжүүлэн суулгах шаардлагатай болж гэр бүл, найз нөхөд, баг, хамт олон нь “Бид нэг гэр бүл” хандивын аян өрнүүлж эхэлсэн. Аяны хүрээнд Б.Батхишигийн төрсөн нутаг Дорноговь аймгийн сагсан бөмбөгийн холбоо санаачлан өнгөрсөн амралтын өдрүүдэд Дорноговь аймгийн харьяа албан байгууллагын дунд сагсан бөмбөгийн хандивын тоглолт зохион байгуулжээ. Хоёр өдөр үргэлжилсэн тэмцээний дүн гарахад эрэгтэйчүүдийн төрөлд “Сайншанд” вагон ашиглалтын депогийн I баг алтан медаль хүртэж, ШШГГ, Аймгийн цагдаагийн газрын хамт олон удаалсан байна. Харин эмэгтэйчүүдийн төрөлд Дорноговь аймгийн II дунд сургуулийн баг тэргүүлж, Ардчилсан залуучуудын холбоо мөнгөн медаль, “Сайншанд” өртөөний баг хүрэл медаль хүртжээ. Тэмцээний орлогоос нийт 1 сая 850 мянган төгрөг цуглуулсан бөгөөд өчигдөр Б.Батхишигийн “Хаан” банкны 5360254652 дансанд шилжүүлжээ. Дашрамд сонирхуулахад, “Сайншанд” өртөөний татах хэсгийн “Татах хүч” хамтлаг хандивын аянд нэгдэж энэ сарын 16-нд аймгийн Хүүхдийн ордонд мөн хандивын тоглолт зохион байгуулахаар зэхжээ.
“Бид нэг гэр бүл” хандивын аянд нэгдэж бидний анд найз Б.Батхишигт туслахыг хүссэн хэн бүхэн "Голомт" банк 1909318090 Батцэнгэлийн Батхишиг, "Хаан" банк 5360254652 Батцэнгэлийн Батхишиг дансанд хандив өргөх боломжтой.
пэйс хуудас
https://www.facebook.com/%D0%91%D0%B8%D0%B4-%D0%BD%D1%8D%D0%B3-%D0%B3%D1%8D%D1%80-%D0%B1%D2%AF%D0%BB-940839939297072/?ref=bookmarks
