Монгол Улсын хууль сахиулах байгууллагууд УИХ-ын гишүүн байгаад дараа нь Монгол Улсаас БНХАУ-ын Эрээн хотод суух консул байсан А.Муратыг Казахстан улсад нуугдсан байж мэднэ хэмээн эрэн сурвалжилж байна.

Тэрээр хятадын иргэдэд хуурамч виз гаргаж өгч байсан хэрэгт сэжиглэгдэж байсан бол дипломат дугаартай тэргээр мансууруулах бодис тээвэрлэн хил давуулж байсан  хэрэгт бас буруутаж байгаа юм байна.
Монголд баригдсан мансууруулах бодисын наймаачид Муратыг энэ хэрэгт холбоотой хэмээн мэдүүлсэн юм байна.

А.Муратыг өнгөрсөн оны наймдугаар сард Казахстан улс руу зугтаж гарсан гээд ойрын үед олон улсын хэмжээнд эрэн сурвалжлуулж магадгүй байна.

УИХ-д сонгогдож байсан гишүүдээс эрүүгийн хэрэгт холбогдоод Казахстан улсад зугтан гарсан тохиолдол ганц энэ биш. Үүний өмнө УИХ-ын гишүүн байсан бригадын генерал Х.Жекей Казахсатнд гарсныг эх орноосоо урвасан гэсэн яриа гарсан юм хэмээн dp.media сайт мэдээлжээ.