Өнгөрсөн оны арванхоёрдугаар сард УИХ-ын баталсан Сонгуулийн тухай хуулиар намын жагсаалтаар 28 хүн парламентад орохоор тогтоосныг Үндсэн хууль зөрчсөн хэмээсэн иргэний гомдлыг хэлэлцсэн ҮХЦ энэ асуудал нь Үндсэн хуулийн тодорхой заалтуудыг зөрчиж байна гэж дунд суудлын хуралдаанаар тогтоосон.
ҮХЦ-ийн эл дүгнэлтийг  өнөөдөр хуралдсан УИХ дахь намын бүлгүүд хүлээн авах нь зүйтэй гэж үзсэн байна.

УИХ дахь Ардчилсан намын бүлэг Үндсэн хуулийн цэцийн 05 дугаар дүгнэлтийг хэлэлцээд олонхи нь “Цэцийн шийдвэрийг хүлээн авах ёстой” хэмээн үзжээ.

ҮХЦ-ийн дүгнэлтийг хэлэлцсэн УИХ дахь  МАН-ын бүлэг бас энэ дүгнэлтийг дэмжлээ гэж  МАН-ын бүлгийн дарга С.Бямбацогт мэдэгдлээ.
Тэрээр  “Цэцийн дүгнэлтийг хүлээж авах нь зүйтэй. Урьд өмнө нь ч хүнээ сонгодог байх ёстой гэж бид үздэг байсан. Жагсаалтын ард нуугдах нь буруу” гэлээ.
Харин иргэд  хүнээ шууд сонгодог болохоос үүдээд  томсгосон 76 мажоритар байх уу, жижиг 76 мажоритар байх уу гэдэг асуудал гарч ирж байна.  Тиймээс бид 28 жагсаалтыг 26 тойрогт хуваах асуудлыг тодорхой ярилцах ёстой” гэж байна.