УИХ-ын гишүүн Х.Баттулгын халдашгүй бүрэн эрхэнд халдсан
үйлдэл гарчээ. Түүнийг өөрийн сонгогдсон тойрог болох Баянхонгор аймагт ажиллаж,
иргэд сонгогчидтой уулзаж байхад нь дагаж мөрдөн, нууцаар бичлэг хийсэн байна. Монгол
Улсын Их Хурлын тухай хуулийн 6 дугаар зүйлийн 4-т “Гишүүний бүрэн эрх нь
Төрийн сүлдэнд тангараг өргөснөөр эхэлж, УИХ-ын дараагийн сонгуулиар шинэ
сонгогдсон гишүүд тангараг өргөснөөр дуусгавар болно” гэж заасан байгаа учир
УИХ-ын гишүүн Х.Баттулга нь халдашгүй бүрэн эрхтэй байгаа гэсэн үг юм. Тийм
байтал түүнийг сүүлийн хэдэн өдөр байнга дагаж, иргэдтэй уулзаж байхыг нь
нууцаар дүрс бичлэг хийж байгаа нь өөр бусад хуулийг ч гэсэн зөрчиж байгаа юм. Гүйцэтгэх ажлын тухай
хуулийг зөрчиж, эрх бүхий албан тушаалын хүн биш мөртлөө Б.Бат-Эрдэнэ гэгч нь
тусгай техник хэрэгсэл ашиглаж, нууцаар дүрс бичлэг хийж байгаад үйлдэл дээрээ
баригдсан байна. Түүнийг Баянхонгор аймгийн цагдаагийн байгууллагад хүргэж, ямар
учраас УИХ-ын гишүүний халдашгүй бүрэн эрхэнд халдаж, нууцаар дүрс бичлэг
хийснийг шалгуулж байна.
Бичлэг хийсэн үзэг