Оросын Калининград хотын иргэн 22 настай Настя Квитко өнөөдөр Москвад амьдарч байна. 95-63-105 гэсэн биеийн харьцаатай түүнийг эх орон нэгтнүүд нь “Оросын Кардашьян”  хэмээн нэрийддэг. Тэрээр өөрийн зургуудыг интернетийн сүлжээнд оруулснаар 2,5 сая лайк авч чадсан байна.
“Газета.Ru” сайтын эрчүүдийн хэсэг энэ бүсгүйгээс ярилцлага аван нийтэлжээ.

-Сайн байна уу. Хэдхэн асуултад хариулахыг зөвшөөрсөнд тань баярлалаа. Өөрийг чинь “Оросын Ким Кардашьян” гэдэгт өөрөө хэрхэн ханддаг вэ?

-Сайн уу. Миний шүтэн бишрэгчдийн бичсэн олон сэтгэгдэл, бичвэрийг би үзсэн. Гэхдээ Кардашьяны хувьд надтэй эн зэрэгцэтлээ даанч хол байна. Миний бие галбир бол түүнийхээс илүү тачаангуй, спортлог.

-Өөрөө нэг хэсэг АНУ-д амьдарсан, тэнд юу хийж байв даа? Эх орондоо бүр ирсэн үү?

-Би АНУ-д саявтар, хагас жил хэртэй амьдарсан. Миний инстграм хуудсаар дүүрэн сэтгэгдлээс үзвэл Америк дахь шүтэн бишрэгчид маань 500-600 мянгад хүрч. Тэд ихэнх нь намайг АНУ-д ирээч гэж хүсч байна, тэгэхээр удахгүй америк явахаар бодож байгаа.

-Тэнд юу хийж байв даа?

-Тэгэхэд бол Америкт амарч байсан.

-Америк дахь амьдралын сайн мууг дурдвал....?

-Одоохондоо бол сайн талуудыг нь л хэлэх байна. Удаан хугацаагаар амьдарвал магадгүй муу талыг нь олж харах байх.

-Хэдийнээс, яагаад загвар өмсөгч болъё гэж бодсон бэ?

-Загвар өмсөгч болно гэж хэзээ ч бодож байгаагүй. Нэг удаа Москвагийн нэр хүндтэй гэрэл зургийн газраас урилга ирсэн. Тэнд зураг авхуулж байгаад нэлээд туршлага хуримтлуулсмныхаа дараа л би загвар өмсөгч болох ёстой юм байна гэж итгэсэн.

-Ийм галбиртай болохын тулд юу хийсэн бэ?

-Нэгдүгээрт миний бие, галбир бол генийх. Миний өгзөг угаасаа л ийм том, сайхан байсан. Кардашьянын бол тийм биш. Хоёрдугаарт би бол спортлог биетэй, хэн хараад энэ хүн спортоор байнга хичээллдэдэг юм байна гэж бодно. Кардашьяны тухайд ёстой мэдэхгүй.

-Эрчүүдэд туранхай бүсгүй таалагддаг уу, эсвэл мариалаг нь уу?

-Жирийн, хэвийн эрчүүдэд бол галбиртай эмэгтэй таалагдахаас биш 15 настай охин шиг биетэй нь таалагдахгүй. Гэтэл өнөөдөр хэвлэлүүд, хувцасны загвар бүтээгчид бүсгүйчүүдийг турахыг уриалаад л, эрчүүд нь ч туранхай бол сайхан гэж итгээд л.....
Одоо эрчүүд нүдээ нээж мариалаг, сайхан өгзөг, гуя хонготой бүсгүйчүүдийг олж хараад тэднийг удаан хугацааны туршид хуурч байсныг ойлгож байгаа байлгүй. Ингэж нүд нь нээгдэхээрээ нэг ч эрэгтэй туранхай эмэгтэйг таашаахгүй дээ.

-Ингэж нэрд гарсандаа хэрхэн ханддаг вэ. Бичигчдийн тоо нэмэгдээд байхаар айхгүй байна уу?

-Яахав зүгээр. Нэрд гарч алдаршсандаа тааламжтай байдаг.

-Мэдээлэл хэр авч байна даа. Дэлхийдахинд сүүлийн үед болж байгаа үйл явдал, Оросын тухай мэдээлэлд хэрхэн ханддаг вэ?

-Би мэдээ үздэггүй, гэхдээ Оросын томоохон үйл явдлын тухай дараа хэн нэгэн нь яриад өгөх байх.

-Танд найз залуу бий юу, алдар хүндэд тань хэрхэн ханддаг бол?

-Энэ бол миний хувийн асуудал учраас нууц хэвээр үлдээе.

-Леонардо ди Каприог “Оскар” аваасай гэж бүх дэлхийтэй хамт дэмжээд байсан?

-Би түүнийг “Оскар”-ын шагнал аваасай гэж үнэхээр хүсч байсан.Тэгээд ч интернетээр ярилцаж, санал солилцох шинэ сэдэв олж авсан даа.

-Бие галбираа ийм сайхан болгох хүсэлтэй эмэгтэйчүүдэд ямар сайн зөвлөгөө өгөх вэ?

-Бүсгүйчүүддээ би спортоор хичээллэ, эрүүл хүнс хэрэглэж, байнгын хөдөлгөөнтэй бай гэж хэлье.