Монгол Улсын иргэн ОХУ-аас 55,8 кг гахайн мах хилийн “Хиагт” боомтоор гаргах гэж байгаад мал эмнэлэг, гарал үүслийн сертификатгүй байсны улмаас саатуулагдсан байна.

Энэ нь ОХУ-ын ХААЯ-ны тушаалаар баталсан журмыг зөрчсөн үйлдэл хэмээн Буриадын хилийн Мэргэжлийн хяналтын удирдах газрын хэвлэлийн алба мэдээлжээ.

Одоо зөрчил гарагчийг хилийн хорио цээрийн дэглэм, мал эмнэлгийн холбогдох дүрэм журмыг зөрчсөн хэмээн захиргааны хэрэг үүсгэн шалгаж эхэлсэн байна. Авч явсан бүтээгдхүүнийг хураажээ.