СЕХ-ны дарга Ч.Содномцэрэн энэ үеэр хэлэхдээ, "СЕХ-ны хуралдаанаар Хоёр дахь шатны санал хураалтын дүнг хэлэлцэн, хоёр тогтоол гаргалаа. Монгол Улсын Ерөнхийлөгчийн 2017 оны ээлжит сонгуулийн хоёр дахь санал хураалтад оролцож, саналаа өгсөн нийт 1.207.787 сонгогчоос МАН-аас нэр дэвшигч М.Энхболд 497.067 санал буюу 41.16 хувь, АН-аас нэр дэвшигч Х.Баттулга 611.226 санал буюу 50.61 хувийн санал авсан болохыг эхний тогтоолоор батлав. 

Мөн дараагийн тогтоолоор Монгол Улсын Ерөнхийлөгчийн бүрэн эрхийг хүлээн зөвшөөрүүлэхээр УИХ-д хандах нь зүйтэй гэж үзжээ. Энэ удаагийн санал хураалтад орохоор сонгогчдын нэрсийн жагсаалтад нийт 1.990.797 иргэн бүртгэгдсэн. Үүнээс 1.207.787 нь саналаа өгч, ирц 60.67 хувьтай гарсан байна. 

 

Санал хураалтын дүнг Сонгуулийн Ерөнхий хороо цахим хуудаст байршуулах ба 10:00 цагт УИХ-д тогтоолоо өргөн барихаар тогтжээ.