УИХ-ын гишүүн Т.Аюурсайхан У.Хүрэлсүхийн Засгийн газрын Шадар сайдад нэр дэвшигч, УИХ-ын гишүүн Ө.Энхтүвшинг дэмжихгүй гэдгээ хатуухан хэлэв. Учир нь Ө.Энхтүвшин гишүүн бол залуу гишүүддээ муу муухайгийн үлгэр дууриал болж байгаа нэгэн гэв.
Т.Аюурсайхан нарын гишүүд Ж.Эрдэнэбатын Засгийн газрыг огцруулах үндэслэлийг гаргаж тавьж байхад Ө.Энхтүвшин гишүүн тэднийг дэмжиж буйгаа илэрхийлж, гарын үсэг зурна гэдгээ амласан байна. Харамсалтай нь,өөрийгөө Ерөнхий сайд болж чадахгүй гэдгээ мэдээд нүүр бууруулсан.Түүгээр зогсохгүй энэ Засгийн газарт орж ажиллахгүй, Шадар сайд болохгүй гэж ярьчихаад өнөөдөр нөхцөл байдал өөрчлөгдсөн гээд сууж байгаа нь цаашид хэлсэн үг бүр өөрчлөгдөх нь тодорхой гэж харж байгаа гэлээ.
УИХ-ын гишүүн Т.Аюурсайхан Ө.Энхтүвшин гишүүнийг МАН-ын дарга байхад хэд хэдэн санал оруулж байсан ч огт хөдлөөгүй. Тиймээс залуу гишүүд намын даргаас буулгаж байсан гэдгийг сануулаад "Та өөрийнхөө хүүхдийг ядаж бод. Намаар хүү чинь эргэлдээд байна билээ. Эцгээр нь үнэлэлт дүгнэлт өгвөл яана. Зөнөж байгаа бол зөв зөнө. Та ичиж амьдар" хэмээв.
