Н.Энхболд, Д.Энхтайван, Д.Батбаатар нарыг Элчин сайдаар томилох асуудлыг хаалттай хэлэлцэж байна
Уулын замд гарсан ослын улмаас дөрвөн том хүн, нэг хүүхэд гэмтжээ
“Монгол хэл, бичгийн шалтгалт”-ын босго оноонд хүрээгүй сурагчид БҮТ-ийн байранд дугаарлаж байна
Нутгийн зарим хэсгээр бороо, нойтон цас орно
Ерөнхий сайд Л.Оюун-Эрдэнэ Бүгд Найрамдах Киргиз Улсын Парламент Жогорку Кенеш-ийн дарга Н.Шакиевт бараалхав
Төрийн албаны шалгалтын бүртгэл тавдугаар сарын 9 хүртэл үргэлжилнэ
77 иргэн сонгуульд бие даан нэр дэвшихээр ҮАГ-т мөрийн хөтөлбөрөө хүргүүлжээ
Дөрөвдүгээр сарын 25-28-нд нөөцийн махны өргөтгөсөн худалдааг зохион байгуулна
Морьт эргүүлийг зуслангийн бүсэд ажиллуулна
Улаанбаатарт 6 градус дулаан байна
Австри улсад автобусанд мөнгөө төлөөгүй зорчигчийг 180,000₮-өөр торгодог
Австри улсад нийтийн тээврийн соёл хамгийн дээд зэргээр хөгжсөн. Замын хөдөлгөөнд оролцож буй хүн бүр бие биенээ хүндэлж, тэвчээртэй оролцдог. Австри улсын нийтийн тээвэр 120 гаруй жилийн түүхтэй. Муж болгоноосоо хамаараад янз бүрийн нийтийн тээврийн хэрэгсэлтэй. Нийтэд нь зургаан төрөлд хуваадаг:
- Хот хооронд явдаг автобуc
- Банн
- Метро
- Трамвай
- Такси
- Автобус
Зорчигчид нийгмийнхээ байдлаас хамааран дараах ангилалтай байдаг. Үүнд:
- Оюутан, сурагчид улиралд 50-60 хүртэлх еврогийн билеттэй
- Хөгжлийн бэрхшээлтэй болон өндөр настай иргэд энгийн билетийн үнээс 50 хувийн хөнгөлөлттэй тасалбар авч үйлчлүүлдэг.
- Тухайн муж, хотод оршин суугч нь тусгай пасспорттой байдаг. Тус пасспортоороо сарын 10 еврогоор автобусны тасалбар авдаг.
- Тэжээвэр амьтан тэжээдэг хүмүүс тусгай тасалбар авдаг.
- Нохойг нийтийн тээврийн хэрэгслээр авч явах тохиодлдолд аманд нь хошуувч зүүх ба нохойнд нь ч мөн тасалбар авч явдаг.
- Асрагч нохойноос төлбөр авдаггүй. /харааны бэрхшээл болон хөгжлийн бэрхшээлтэй иргэдэд тусладаг нохой/
Нийтийн тээврээр үйлчлүүлж буй зорчигч тасалбараа авахдаа заавал тусгай машин юм уу дэлгүүрээс авдаг. Хэрэв тасалбаргүйгээр нийтийн тээврийн хэрэгсэлд суусан тохиодолд 62 евро хүртэлх мөнгөн торгуулиар торгуулдаг. 7хоног, 1 сар, улирал болон жил гэх мэт олон сонголтоос харгалзан багцын билетээ авах боломжтой.
Австри улсын нийтийн тээврийн хамгийн том давуу тал бол аль ч тээврийн хэрэгсэл цагтаа ирэх явдал юм. Такси болон автобусууд нэгдүгээр эгнээний тусгай замаар явдаг тул замын түгжрэлд орох эрсдэл огт байдаггүй. Мөн трамвай, метро ч мөн адил тусгай замаар явдаг байна.
Нийтийн тээврийн хэрэгсэл бүр дотроо мэдээллийн самбаруудтай. Үүнд гадаад болон дотоодын хамгийн чухал, онцлох цаг үеийн мэдээ, мэдээллүүд цацагддаг байна. Мөн уг самбараар дамжуулан дараагийн буух буудлыг зарладаг ба тухайн буудлаас ямар чиглэлийн нийтийн тээврийн хэрэгслүүд явах, ямар үйлчилгээний газрууд байдаг гэх мэт мэдээллийг хүргэдэг байна.
Нийтийн тээврийн хэрэгслээр үйлчилж буй зорчигч ямар нэгэн эд зүйлээ алдсан тохиолдолд маш хурдан жолоочид мэдэгдэх ёстой байдаг. Ингэснээр жолооч серверээрээ дамжуулан мужийнхаа бүх тээврийн хэрэгсэлд зарлал явуулдаг байна.
Тээврийн хэрэгслээр гэнэт буух шаардлага гарвал зорчигч кноп дарах ба уг кнопоор жолооч аль хаалганд, аль буудалд хүн буулгах мэдээллээ түргэн авдаг байна. Тээврийн хэрэгсэл бүрд тэрэгтэй иргэд болон хүүхдээ тэргэнд түрж буй ээжүүдэд зориулсан хэсэг байдаг. Мөн 150 см ээс доош өндөртэй хүүхэд авч явж байгаа тохиолдолд тусгай суудал дээр суулгаж аюулгүй байдлыг нь хангах үүрэгтэй.
Шөнийн цагаар ажил эрхэлж буй хүмүүст зориулан төрөөс шуурхай таксины үйлчилгээг гаргасан байдаг. Уг такси 3 евро 80 центийн төлбөртэй байдаг. Нэг удаагийн суултаар хаашаа ч хүрсэн тус үнээр явах ажээ.
Шалгагч:
Австри улсын нийтийн тээврийн хэрэгсэлд шалгагч гэж байдаг. Шалгагч нар зориулалтын хувцас өмсдөггүй харин энгийн хувцас өмсдөг. Ингэснээр тасалбаргүй явж байгаа хүмүүс шалгагч байгаа үгүйг мэдэх боломжгүй юм. Энгийн хувцастай шалгагч нар хэзээд, хаанаас ч гарч ирж тасалбар шалгах боломжтой байдаг байна. Хэрэв тасалбаргүйгээр нийтийн тээврийн хэрэгсэлд суусан тохиодолд 62 евро /187,000₮/ хүртэлх мөнгөн торгуулиар шалгагч торгодог байна.
Австри улсын дийлэнх иргэд нийтийн тээврийн хэрэгслээр зорчдог. Учир нь хувийн машинтай хүмүүс машины моторын хүчин чадлаасаа шалтгаалаад сар бүр татвар төлдөг. Гарашиндаа машинаа байрлуулах тэр бүү хэл сул зогсохдоо хүртэл мөнгө төлдөг.Эх сурвалж: www.cbc.mn
0 Сэтгэгдэл