ЦЕГ өнгөрсөн сараас эхлэн саун, массаж нэрийн дор бэлгийн мөлжлөг явуулан бусдын биеийг үнэлүүлэх гэмт хэрэг, зөрчилтэй тэмцэх, түүнээс урьдчилан сэргийлэх зорилгоор үе шаттайгаар шалгалт явуулж байгаа аж. Саун, массажны газар, караоке зэрэг газруудад 42 удаа гэнэтийн үзлэг, шалгалт зохион байгуулахад БЗД-ийн нутаг дэвсгэрт 10, БГД-ийн нутаг дэвсгэрт 16, СБД-ийн нутаг дэвсгэрт 3, ЧД-ийн нутаг дэвсгэрт 7, ХУД-ийн нутаг дэвсгэрт 2, СХД-ийн нутаг дэвсгэрт 1 нийт 39 саун, массажны газрыг илрүүлжээ.
Мөн давхардсан тоогоор насанд хүрээгүй буюу 16-17 насны 6, насанд хүрсэн 145 эмэгтэйг бэлгийн мөлжлөгийн зорилгоор худалдаалж байсныг илрүүлснээс гадна дээри арга хэмжээг зохион байгуулж байсан 53 этгээдэд холбогдох шалгалтын ажиллагааг явуулж байгаа аж.
