Парис хот руу аялах азтанууд тодорлоо
Н.Энхболд, Д.Энхтайван, Д.Батбаатар нарыг Элчин сайдаар томилох асуудлыг хаалттай хэлэлцэж байна
Уулын замд гарсан ослын улмаас дөрвөн том хүн, нэг хүүхэд гэмтжээ
“Монгол хэл, бичгийн шалтгалт”-ын босго оноонд хүрээгүй сурагчид БҮТ-ийн байранд дугаарлаж байна
Нутгийн зарим хэсгээр бороо, нойтон цас орно
Ерөнхий сайд Л.Оюун-Эрдэнэ Бүгд Найрамдах Киргиз Улсын Парламент Жогорку Кенеш-ийн дарга Н.Шакиевт бараалхав
Төрийн албаны шалгалтын бүртгэл тавдугаар сарын 9 хүртэл үргэлжилнэ
77 иргэн сонгуульд бие даан нэр дэвшихээр ҮАГ-т мөрийн хөтөлбөрөө хүргүүлжээ
Дөрөвдүгээр сарын 25-28-нд нөөцийн махны өргөтгөсөн худалдааг зохион байгуулна
Морьт эргүүлийг зуслангийн бүсэд ажиллуулна
31 дэх удаагийн “Морин хуур” наадмын Гран при эзэн хэн бэ?
Дуу хуурын ертөнцөөр аялуулж, шилдгийн шилдэг бүтээлийг танилцуулдаг "Морин Хуур” наадмын "Гран при"-гийн эзэн тун удахгүй тодрох гэж байна.
Энэ удаагийн наадамд олон зуун бүтээл өрсөлдснөөс хоёрдугаар шатанд шилдэг 16 бүтээл шалгарч, Гала тоглолтод оролцох эрхтэй болжээ. 31 дэх удаагаа зохион байгуулагдаж байгаа Морин хуур наадамд Ардын жүжигчин, гавъяатуудаас эхлээд урлагийн шилдэг мастерууд өрсөлдсөн нь энэ наадмын чансааг улам баталгаажуулж байна.
Мэргэжлийн хөгжмийн зохиолчдоос бүрдсэн шүүгчдийн баг бүтээлүүдийг шалгаруулж байгаа билээ. Дууны төрөл, агуулга, хийц, мэргэжлийн ур чадварыг харгалзан бүтээлийг дүгнэж байгааг тодотгон тэмдэглэх зүйтэй.
Наадмын тэргүүн манлай тодроход хэдхэн цаг үлджээ. Өнөөдөр орой "Гранпри"-гийн эзнийг тодруулж, хөгжимд хайртай, дуу хуурд дуртай Монголчуудын мэлмийг сэргээх болно.
Харин Шилдэг 16 бүтээлд хэний бүтээл шалгарч, Гран при шагналын төлөө өрсөлдөх бол...
МУСТА, Дуучин Т.Дэлгэрмөрөн "Аавтайгаа байхад жаргалтай”
МУГЖ, поп хатагтай, Зууны манлай дуучин Б.Сарантуяа "Амьдрал киноны дуу”
Б.Монголхүү Зүрхний хилэн киноны хөгжим "Энд л би”,
МУАЖ А.Долгор "Хүн та”,
МУСТА Г.Шижирболд, Б.Гомбо-Очир, Б.Батжаргал "Бор толгод” /гурван теонер/,
МУГЖ, УДБЭТ-ын гоцлол дуучин Ө.Уянга "Эх орон ээж минь”
Б.Гомбо-Очир "Хар зүрхний хөх нуур”, "Баатар хайрхан”
Консонанс Э.Отгонбат, МУГЖ Ө.Уянга "Нар зөв монгол”
Багшийн их сургуулийн найрал дуучид МУСТА С.Бичүү "Зоргол нүдэн”,
Б.Содов "Заягаар холбосон эх орон”
"Классик жем” хамтлагийн дуучин, УДБЭТ-ын дуучин Н.Туяа "Чи өөрөө”
Д.Нямдаваа "Дангийнаа”
МУСТА Э.Чулуунчимэг "Чамд чам шиг дурлахсан”
Б.Мөнхтөр "Аав тандаа”
МУГЖ, Хүмүүнлэгийн элч дуучин, поп хатагтай Т.Ариунаа "Хорвоог дүүргэж дэргэд л байгаарай” дуугаа өргөнө.
Эрхэм Ардын жүжигчин, гавъяатуудаас эхлээд хүч түрэн гарч ирж байгаа залуу уран бүтээлчдийн сор болсон бүтээлүүд ийнхүү шилдгийн шилдэг 16 бүтээлд багтжээ. Харин хэний бүтээл шилдгийн шилдгээр шалгарч, алдрын эзэн болох бол?
Эл наадмын хамгийн гол ажлыг нугалсан эрхэм уран бүтээлчдийг дурьдахгүй өнгөрч болохгүй юм. Амьд хөгжлийн хамтлаг, Намсрайжавын нэрэмжид улсын филермон, синфони найрал хөгжим, Удирдаач Д.Нямдаш, Морин хуурын чуулгын Удирдаач Д.Түвшинсайхан нар аялгуу сайхан хөгжмийг эгшиглүүлснийг онцлох нь зүйн хэрэг юм.
Гран при эзнийг тодруулах ёслолын ажиллагаанд 1987 онд зохиогдсон анхны наадмын эзнээс эхлэн 2016 хүртэлх гран при эзэд улаан хивсний ёслолд оролцож хүндэтгэл үзүүлэхээс гадна, шилдгийн шилдгүүд морин хуурыг нэгэн зэрэг эгшиглүүлж, хүндэт танхимын жаврыг үргээх аж. Энэ бол наадмын хамгийн том гэнэтийн бэлэг болохыг эрхэм уншигчидаа дуулгая.
"Морин хуур” наадмын энэ оны бай шагнал урьд жилүүдээс онцлог болохыг Монголын хөгжмийн зохиолчдын холбооноос тодотгож байна. Улаан хивсний ёслол 2 дугаар сарын 12-ны 16 цагт Соёлын төв өргөөнд болох бөгөөд Монгол Улсын төрийн өндөрлөгүүд, УИХ-ын гишүүд, Монгол Улсад суугаа гадаад орны Элчин сайдын яамны дипломат ажилтнууд оролцох юм.
Дуунд хайртай Монгол түмнийг "Морин хуур” наадмыг шимтэн үзэхийг урьж байна.
0 Сэтгэгдэл