Аргын тоолол: 2018.5.21. Даваа гараг.
Билгийн тоолол: Шинийн 7. Сумьяа гараг.
Зуны тэргүүн улаагчин могой сарын 9 улаан мэнгэтэй, үнэг одтой харагчин үхэр өдөр.
Наран ургах шингэх: 05.07-20.30
Үс засуулбал: Хэл ам,хэрүүл тэмцэл ирнэ
Барилдлага: Рашаан
Шүтэн барилдлага: Сансар
Тэрсүүд өдөр. 10 цаг 29 минутанд өчүүхэн дүүрэн эхэлнэ.
Тухайн өдөр тахиа, могой жилтнээ аливаа үйлийг хийхэд эерэг сайн.
Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, мал арилжих, гэр бүрэхэд сайн. Эрдэнийг гадагш өгөхөд муу.
Өдрийн сайн цаг нь бар, туулай, могой, бич, нохой, гахай болой.
Хол газар яваар одогсод баруун хойш мөрөө гаргавал зохистой.
Баруун чих хангинавал асрагдах, зүүн нь бол буян арвижина. Тагнай загатнавал зочин ирэх, бие татвал гаслан болох, хөл татвал хувцас олдоно.