Австралийн агаарын тээврийн “Qantas” компани энэ онд 244 сая долларын алдагдал хүлээжээ. Имжний дүр бүхий логогоороо дэлхий дахинаа танил болсон “Qantas” компани 1995 онд хувьчлагдсанаас хойш анх удаа алдагдал хүлээж байгаа нь энэ юм. Өмнөх онд 250 сая долларын ашиг олж байснаасаа байдал бүр дордсон учир Бойнг компаниас 35 “Dreamliner” онгоц худалдан авах байсан гэрээгээ ч цуцалжээ.
Улс орныхоо нэрийн хуудас болсон энэ том компани санхүүгийн доголдолд ороход түлш шатахууны үнэ нэмэгдэж, олон улсын нислэгийн эрэлт буурсан нь ихээхэн нөлөөлжээ. Онгоцны түлшний үнэ нэмэгдсэнээс тус компани өнгөрсөн онд гэхэд 4,3 тэрбум долларыг зөвхөн шатахуундаа зарцуулжээ. Энэ нь жилийн өмнө 645 тэрбум доллар байсантай харьцуулбал долоо дахин өссөн үзүүлэлт юм. Зардал ийм өндөр байхад олон улсын нислэгээр зорчигчдын тоо буурч, “Qantas” өөрийн хэрэглэгчдээ өрсөлдөгч компанид алдаж байгаа нь маш хүндээр тус байгаа аж. Энэ бүх нөхцөл байдлыг харгалзан компани бүтцийн өөрчлөлт хийхээр төлөвлөж байна. Тус төлөвлөгөөгөөр бол 2800 хүн орон тооны цомхотголд өртөхөөр байгаа гэнэ.