Зам, тээврийн сайд А.Гансүхийн хувьд ч Засгийн газрын гишүүн болсноосоо хойш хөдөө орон нутагт хийх анхны томилолтоо Дорноговь аймгаас хийсний учир нь тус аймгийн музейд зочлох үеэр тайлагдав. Учир нь түүний өвөө Дорноговь аймгийн Хөвсгөл сумын уугуул, Дорноговь аймгийн Ардын хувьсгалын цөөхөн партизануудын нэг аж.
А.Гансүх сайд Дорноговь аймагт ирэх бүрдээ музейгээр заавал орж өвөөгийнхөө буланг эргэдэг байна. Мөн энэ үеэр бас нэг азтай тохиолдолд болов. Эзэн Чингис хаан төрийн есөн хөлт цагаан тугийн дагуул 8 тугийн нэг эх тэр үеийн жинхэнэ шүншигийн хамт Дорноговь аймгаас олдож тус музейд залсан байв. Түүхийн сурвалжаас үзвэл Дорноговь аймгийн Хөвсгөл сумын Хутагт уулынхан бэлд 40 өрх айл хэдэн зуун жилийн турш тэрхүү есөн хөлт цагаан тугийг сахин хамгаалж иржээ. А. Гансүх сайдын өвөө нь ч энэ сумын уугуул ажээ. Найман зуун жилийн тэртээх тэр цагаан сүлдийн тугийг ийнхүү өнөөдрийг хүртэл хадгалж ирснийг саяхан музейн удирдлагууд хоймортоо залсан юм байна.
Юутай ч дорноговьчуудын хувьд салбарын сайд нь ч , УБТЗ-ын дарга нь ч говийн ноён хутагтын нутгийнхан байсан нь цаанаа л нэгийг хэлж байна хэмээн нутгийнхан нь ч бэлэгшээж байлаа.
