Sony компани хамгийн нимгэн таблет компьютер гаргаснаа зарлалаа. Андройд системтэй Xperia Z нэртэй энэхүү таблет 6,9 мм зузаантай байгаа нь Apple-ийн iPod- 0,01 инчээр нимгэн үзүүлэлт ажээ. Мөн дэлгэцийн хувьд 10,1 инч буюу харьцангуй томоор бүтээжээ. 
Xperia Z-ийн өөр нэг тодотгол нь хамгийн хөнгөхөн бөгөөд ус, тоосны хамгаалалттай хэмээх өргөмжлал юм. Тус таблет 495 гр жинтэй. Ус, тоосноос хамгаалах тусгай пластик гадарнуутай аж. Sony компани энэ шинэ бүтээгдэхүүнээ ирэх сарын 25-28-нд Испанийн Барселонд болох “Mobile World Congress” үзэсгэлэн яармагийн үеэр танилцуулах юм. Уг үзэсгэлэнд LG компани Optimus G гар утасныхаа илүү том бөгөөд нарийвчилсан дүрслэл бүхий дэлгэцтэй шинэ загвараа танилцуулах юм. Энэ утас дэлгэцнийхээ инч тутамд 440 пикселиэр зургийг харуулах юм байна. Тэгвэл Японын NEC Casio-гоос хоёр дэлгэцтэй смартфоноо бас танилцуулах гэнэ.


Хоёр дэлгэцтэй утас

LG-гийн өндөр нягтралтай гар утас