Дуучин Бионсе “Super Bowl”-аар гал асаасан шоу тоглолт үзүүллээ. Дэлхийн 180 гаруй оронд шууд дамжуулсан “NFL”-ийн аваргуудын лиг буюу “Super Bowl”-ын 30 гаруй минутыг эзэгнэсэн Бионсе хит дуунуудаа бүжигтэй хослуулан амьдаар дуулж, ямар чадалтай дуучин болохоо харуулсан юм. АНУ-ын төрийн дууллыг ам барьж дуулснаас болж хэвлэлийн томоохон шуугиан тарьсан тэрээр энэ удаа өөрийн жинхэнэ чадварыг батлан харуулахаар “Halo”, “Crazy in Love” зэрэг дуундаа хоолойн дээд өнгийг гайхамшигтай сайн гаргаж байсныг үзэгчид нэгэн дуугаар үнэлж байна.


Бионсегийн хагас цагийн үзүүлбэрийн хамгийн оргил хэсэг нь тэрээр “Destiny’s Child” хамтлагтайгаа тайзнаа эргэн нэгдсэн нь байв.  Олон жилийн дараа эргэн нэгдэж байгаа “Destiny’s Child” хамтлагийнхан “Bootylicious” болон Бионсегийн алдарт хит “Single Ladies” дууг дуулсан байна.





Спорт, урлагийн тоглолтыг хослуулсан "Super Bowl"-ын үеэр өөр нэгэн сэтгэл хөдөлгөсөн үзүүлбэрийг дуучин Женнифер Хадсон үзэгчдэд өргөн барьсан юм. Тэрээр "America the Beautiful" дууг хэдхэн сарын өмнө аймшигт халдлагад өртөж, 20 гаруй хүүхэд амь насаа алдсан Сэнди Хүүк сургуулийн сурагчидтай хамт дуулсан нь олон сая үзэгчийн сэтгэлийг хөдөлгөсөн тоглолт байлаа.