АНУ-ын ерөнхийлөгч Барак Обама энэ гурадугаар сард Израильд айлчилна гэж Цагаан ордон мэдээллээ. Израилын ерөнхий сайд Биньямин Нетанияху, АНУ-ын ерөнхийлөгч Барак Обама хоёр Израильд болох сонгуулийн дараа утсаар ярьж айлчлалын талаар нарийн тохиролцох юм байна.
Айлчлалын товыг гуравдугаар сарын 20 гэж тогтжээ. Тэр бас энэ үеэрээ Саудын Арави, Турк, Египет, Иордан улсад очих юм. “Айлчлалын үеэр юун түрүү АНУ, Израилын харилцаны талаар шинэ Засгийн газартай нь ярих бол Иран, Сирийн асуудлаар ярилцана” гэж Цагаан ордон мэдээлжээ. Хамгийн гол асуудал Израиль, палестины хоорондох хэлэлцээрт илүүтэй анхаарах юм байна. Ийм ч болохоор тэр бас Палестины нутгаар явах юм.