Филиппиний зураач, дизайнер Хани чөлөөт цагаараа шивээс хийх дуртай нэгэн. Харин тэрээр хүний бие дээр биш харин гадил жимсэн дээр, гэхдээ алдартнуудын хөргийг шивдэг сонирхолтой нэгэн.

Түүний багаж бол зүгээр л нэг англи зүү. “Манай гэрт байнга л гадил жимс байдаг. Тэгээд нэг удаа үүн дээр зураг зурж яагаад болохгүй гэж санагдсан. Ер нь гадил жимсийг хайч хутгаар цоолж, зүсэхэд мөр нь хүрэн болж хатдагийг санаад зүүгээр шивэн зурж эхэлсэн” гэж Хани ярьж байна. Арга нь ердөө ядах юмгүй, зүгээр л биен дээр шивээс хийж байгаа юм шиг цоолборлоно. Ингэсээр тэр алдартнуудын хэдэн арван хөрөг зурагтай болжээ.