“Гүнжийн өдрийн тэмдэглэл”, “Прада өмссөн чөтгөр” зэрэг олон арван киногоороо Холливудад хүч түрэн орж ирсэн жүжигчин Энне Хатавей мөрөөдлөө биелүүлж, Оскарын эзэн боллоо. Тэрээр “Les Miserable ” киноны Фантиний дүрээр Оскарын шилдэг эмэгтэй туслах дүрийн шагнал хүртсэн юм. Энэ дүрийг бүтээхийн тулд 11 килограмм турсан 30 настай жүжигчин бүсгүй “Les Miserable”-д тоглохыг зургаан наснаасаа хойш мөрөөдсөн гэдэг. Мөрөөдсөн дүр нь түүнд ийнхүү Оскар авсанд сэтгэл ихэд хөдөлсөн тэрээр шагналаа гардан авахдаа нулимс унагасан юм. Тэрээр Оскарын тайзнаас нөхөр Адам Шулмандаа баярлаж явдгаа хэлээд “Чи миний амьдралд орж ирсэн нь амьдралын минь хамгийн сайхан мөч” хэмээн хэлсэн байна.