Та бидний хамгийн сайн мэдэх “Үүрэг хүлээсэн цагт” киноны зохиолыг бичсэн эх орны дайны ахмад  дайчин, зохиолч Борис Васильев Москва хотноо 89 насандаа нас нөгчсөн байна. 1924 онд Смоленск хотод төрсөн тэрээр 17 насандаа сайн дураар фронтод явж, гурван ч удаа бүслэгдэж, амжилттай мултарч байжээ. Ийм ч болохоор түүний зохиолын баатрууд үнэмшилтэй, бүхний танил мэт байдаг. Тэрээр алдарт Брестийн цайзыг хамгаалагчдын тухай “Бүртгэлд ороогүй хүн” роман, “Маргааш нь дайн эхэлсэн”, “Хамгийн сүүлчийн өдөр”, “Цагаан хунгуудыг битгий бууд” зэрэг олон роман, тууж бичсэний олонхи нь дэлгэцийн бүтээл болсон юм.  
Борис Васильев ЗХУ-ын Төрийн шагналт, ОХУ-ын Ерөнхийлөгчийн шагналт зохиолч байв.