Холливудын алдартай гэр бүлүүдийн нэг Эштон Катчер, Деми Мур нар 2011 онд хоёр тийшээ болсон. Тэд тусдаа амьдраад 16 сарын нүүр үзсэн ч одоо хүртэл гэр бүлээ цуцлуулж чадаагүй л байна. Учир нь, хоёр тал хөрөнгөө хэрхэн хуваах тал дээр санал нийлэхгүй байгаа гэнэ. Эштон Катчертай амьдарсан зургаан жилийн хугацаанд Деми Мур бараг мөнгө олоогүй учир энэ хугацаанд өөрөөс нь хавьгүй их мөнгө олж, хөрөнгөжсөн Эштон Катчераас багагүй хэмжээний хөрөнгө авах хүсэлтэй байгаа аж. Тэднийг анх гэрлэх үед Деми Мур илүү нэр хүндтэй, илүү хөрөнгөтэй байсан ч сүүлийн хэдхэн жилийн дотор тэдний байр үндсэндээ солигдсон гэж ойр дотных нь эх сурвалж хэвлэлд ярьжээ. Тэд хуримаа хийхдээ гэрлэлтийн гэрээ хийгээгүй учир хөрөнгө мөнгөө хуваах тал дээр тохиролцоход амаргүй байгаа аж. Нэгэнт гэрээгүй учир энэ боломжийг ашиглан Деми Мур хуучин нөхрөөсөө овоо мөнгө авч үлдэх гэж хичээж, харин Эштон өөрийн хөдөлмөрлөж олсон хөрөнгийг өөртөө л үлдээх сонирхолтай байгаа аж. Хэвлэлүүдийн тооцоолсноор Эштон Катчер 100 сая ам.доллараар үнэлэгдэх хөрөнгөтэй гэнэ.